ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๑๕๙.

อวีจิ มญฺเ ผุโฏ โหตีติ ยถา อวีจิ มหานิรโย นิรนฺตรํ ผุโฏ เนรยิกสตฺเตหิ
ปริปุณฺโณ, มนุสฺเสหิ เอวํ ปริปุณฺโณ โหติ. กุกฺกุฏสมฺปาติกาติ เอกคามสฺส
ฉทนปิฏฺิโต อุปฺปติตฺวา อิตรคามสฺส ฉทนปิฏฺเ นิปตนสงฺขาโต กุกฺกุฏสมฺปาโต
เอตาสุ อตฺถีติ กุกฺกุฏสมฺปาติกา. กุกฺกุฏสมฺปาทิกาติปิ  ปาโ, คามนฺตรโต
คามนฺตรํ กุกฺกุฏานํ ปทสา คมนสงฺขาโต กุกฺกุฏสมฺปาโต เอตาสุ อตฺถีติ อตฺโถ.
อุภยมฺเปตํ ฆนนิวาสตํเยว ทีเปติ. อธมฺมราครตฺตาติ ราโค นาม เอกนฺเตเนว อธมฺโม,
อตฺตโน ปริกฺขาเรสุ ปน อุปฺปชฺชมาโน น อธมฺมราโคติ อธิปฺเปโต, ปรปริกฺขาเรสุ
อุปฺปชฺชมาโนว อธมฺมราโคติ. วิสมโลภาภิภูตาติ โลภสฺส สมกาโล นาม นตฺถิ.
เอกนฺตวิสโมว เอส. อตฺตนา ปริคฺคหิตวตฺถุมฺหิ ปน อุปฺปชฺชมาโน สมโลโภ นาม.
ปรปริคฺคหิตวตฺถุมฺหิ อุปฺปชฺชมาโนว วิสโมติ อธิปฺเปโต. มิจฺฉาธมฺมปเรตาติ
อวตฺถุปฏิเสวนสงฺขาเตน มิจฺฉาธมฺเมน สมนฺนาคตา. เทโว น สมฺมา ธารํ
อนุปฺปเวจฺฉตีติ วสฺสิตพฺพยุตฺตกาเล วสฺสํ น วสฺสติ. ทุพฺภิกฺขนฺติ ทุลฺลภภิกฺขํ.
ทุสฺสสฺสนฺติ วิวิธสสฺสานํ อสมฺปชฺชเนน ทุสฺสสฺสํ. เสตฏฺิกนฺติ สสฺเส
สมฺปชฺชมาเน ปาณกา ปตนฺติ, เตหิ วิทฺธตฺตา ๑- นิกฺขนฺตนิกฺขนฺตานิ สาลิสีสานิ
เสตวณฺณานิ โหนฺติ นิสฺสารานิ. ตํ สนฺธาย วุตฺตํ "เสตฏฺิกนฺ"ติ. สลากาวุตฺตนฺติ
วปฺปิตวปฺปิตํ ๒- สสฺสํ สลากามตฺตเมว สมฺปชฺชติ, ผลํ น เทตีติ อตฺโถ. ยกฺขาติ
ยกฺขาธิปติโน. วาเฬ อมนุสฺเส โอสฺสชฺชนฺตีติ จณฺฑยกฺเข มนุสฺสปเถ วิสฺสชฺชนฺติ,
เต ลทฺโธกาสา มหาชนํ ชีวิตกฺขยํ ปาเปนฺติ.
                       ๗. วจฺฉโคตฺตสุตฺตวณฺณนา
     [๕๘] สตฺตเม มหปฺผลนฺติ มหาวิปากํ. ธมฺมสฺส จ อนุธมฺมํ พฺยากโรนฺตีติ
เอตฺถ ธมฺโม นาม กถิตกถา, อนุธมฺโม นาม กถิตสฺส ปฏิกถนํ. สหธมฺมิโกติ
สการโณ สเหตุโก. วาทานุปาโตติ วาทสฺส อนุปาโต, อนุปตนํ ปวตฺตีติ อตฺโถ.
@เชิงอรรถ:  ฉ.ม. ทุฏฺตฺตา        สี. วาปิตํ วาปิตํ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๕๙. http://84000.org/tipitaka/read/attha_page.php?book=15&page=159&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=3625&pagebreak=1 http://84000.org/tipitaka/atthapali/th_line.php?B=15&A=3625&pagebreak=1#p159


จบการแสดงผล หน้าที่ ๑๕๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]