ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๑๖๓.

     อชฺฌายโกติ อิทํ "น ทานิเม ฌายนฺติ, น ทานิเม ฌายนฺตีติ โข วาเสฏฺา
อชฺฌายกา อชฺฌายกาเตว ทุติยํ ๑- อกฺขรํ อุปนิพฺพตฺตนฺ"ติ  ๒- เอวํ ปมกปฺปิกกาเล
ฌานวิรหิตานํ พฺราหฺมณานํ ครหวจนํ อุปฺปนฺนํ. อิทานิ ปน ตํ อชฺฌายตีติ
อชฺฌายโก, มนฺเต ปริวตฺเตตีติ อิมินา อตฺเถน ปสํสาวจนํ กตฺวา โวหรนฺติ. มนฺเต
ธาเรตีติ มนฺตธโร.
     ติณฺณํ เวทานนฺติ อิรุพฺเพทยชุพฺเพทสามเวทานํ. โอฏฺปหตกรณวเสน ปารํ
คโตติ ปารคู. สห นิฆณฺฑุนา จ เกฏุเภน จ สนิฆณฺฑุเกฏุภานํ. นิฆณฺฑูติ
นามนิฆณฺฑุ รุกฺขาทีนํ ๓- เววจนปกาสกํ สตฺถํ. เกฏุกนฺติ กิริยากปฺปวิกปฺโป กวีนํ
อุปการกํ ๔- สตฺถํ. สห อกฺขรปฺปเภเทน สากฺขรปฺปเภทานํ. อกฺขรปฺปเภโทติ สิกฺขา
จ นิรุตฺติ จ. อิติหาสปญฺจมานนฺติ อาถพฺพณเวทํ จตุตฺถํ กตฺวา อิติห อาส,
อิติห อาสาติ อีทิสวจนปฏิสํยุตฺโต ปุราณกถาสงฺขาโต ขตฺตวิชฺชาสงฺขาโต วา
อิติหาโส ปญฺจโม เอเตสนฺติ อิติหาสปญฺจมา. เตสํ อิติหาสปญฺจมานํ เวทานํ.
     ปทํ ตทวเสสญฺจ พฺยากรณํ อธิยติ เวเทติ จาติ ปทโก เวยฺยากรโณ. โลกายตํ
วุจฺจติ วิตณฺฑวาทสตฺถํ. มหาปุริสลกฺขณนฺติ มหาปุริสานํ พุทฺธานํ ๕- ลกฺขณทีปกํ
ทฺวาทสสหสฺสคนฺถปฺปมาณํ สตฺถํ, ยตฺถ โสฬสสหสฺสคาถาปทปริมาณา พุทฺธมนฺตา
นาม อเหสุํ, เยสํ วเสน "อิมินา ลกฺขเณน สมนฺนาคตา พุทฺธา นาม โหนฺติ.
อิมินา ปจฺเจกพุทฺธา, เทฺว อคฺคสาวกา, อสีติ มหาสาวกา, พุทฺธมาตา, พุทฺธปิตา,
อคฺคุปฏฺากา, อคฺคุปฏฺายิกา, ราชา จกฺกวตฺตี"ติ อยํ วิเสโส ปญฺายติ. ๖-
อนวโยติ อิเมสุ โลกายตมหาปุริสลกฺขเณสุ อนูโน ปริปูรโก, ๗- อวโย น โหตีติ วุตฺตํ
โหติ. อวโย นาม โย ตานิ อตฺถโต จ คนฺถโต จ สนฺธาเรตุํ น สกฺโกติ. อถวา
อนวโยติ อนุ อวโย, สนฺธิวเสน อุการโลโป. อนุ อวโย ปริปุณฺณสิปฺโปติ อตฺโถ.
@เชิงอรรถ:  ฉ.ม. ตติยํ           ที.ปา. ๑๑/๑๓๒/๘๐ พฺราหฺมณมณฺฑล
@ ม. นิฆณฺฑุรุกฺขาทีนํ, สุ.วิ. ๑/๒๕๖/๒๒๒ อมฺพฏฺมาณวกถา
@ ฉ.ม.,อิ. อุปการาย    ฉ.ม.,อิ. พุทฺธาทีนํ    ฉ.,อิ. วิเสโส ายติ
@ ฉ.ม.,อิ. ปริปูรการี



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๖๓. http://84000.org/tipitaka/read/attha_page.php?book=15&page=163&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=3719&pagebreak=1 http://84000.org/tipitaka/atthapali/th_line.php?B=15&A=3719&pagebreak=1#p163


จบการแสดงผล หน้าที่ ๑๖๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]