ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๒๘.

วิคจฺฉติ, น จ อปายคติสงฺขาตํ คติอญฺถตฺตํ ปาปุณาติ. สตฺถาปิ ตเทว ทสฺเสนฺโต
ตตฺริทํ อญฺถตฺตนฺติอาทิมาห. เสสเมตฺถ อุตฺตานเมวาติ.
                        ๖. ปมภวสุตฺตวณฺณนา
     [๗๗] ฉฏฺเ กามธาตุเวปกฺกนฺติ กามธาตุยา วิปจฺจนกํ. ๑- กามภโวติ
กามธาตุยํ อุปปตฺติภโว. กมฺมํ เขตฺตนฺติ กุสลากุสลกมฺมํ วิรุหนฏฺานฏฺเน
เขตฺตํ. วิญฺาณํ พีชนฺติ สหชาตํ ๒- อภิสงฺขารวิญฺาณํ วิรุหนฏฺเน พีชํ. ตณฺหา
เสฺนโหติ สงฺคณฺหนานุพฺรูหนวเสน ๓- ตณฺหาอุทกํ นาม. อวิชฺชานีวรณานนฺติ อวิชฺชาย
อาวริตานํ. ตณฺหา สญฺโชนานนฺติ ตณฺหาพนฺธเนน พทฺธานํ. หีนาย ธาตุยาติ
กามธาตุยา. วิญฺาณํ ปติฏฺิตนฺติ อภิสงฺขารวิญฺาณํ ปติฏฺิตํ. มชฺฌิมาย
ธาตุยาติ รูปธาตุยา. ปณีตาย ธาตุยาติ อรูปธาตุยา. เสสเมตฺถ อุตฺตานเมวาติ.
                        ๗. ทุติยภวสุตฺตวณฺณนา
     [๗๘] สตฺตเม เจตนาติ กมฺมเจตนา. ปตฺถนาติ กมฺมปตฺถนา. ๔- เสสํ
ปุริมสทิสเมวาติ.
                        ๘. สีลพฺพตสุตฺตวณฺณนา
     [๗๙] อฏฺเม สีลพฺพตนฺติ สีลญฺเจว วตฺตญฺจ. ชีวิตนฺติ ทุกฺกรการิกา นุโยโค.
พฺรหฺมจริยนฺติ พฺรหฺมจริยวาโส. อุปฏฺานสารนฺติ อุปฏฺาเนน สารํ, "อิทํ สารํ
อิทํ วรํ อิทํ นิฏฺานนฺ"ติ ๕- เอวํ อุปฏฺิตนฺติ อตฺโถ. สผลนฺติ สอุทฺรย
สวฑฺฒิกํ โหตีติ ปุจฺฉติ. น เขฺวตฺถ ภนฺเต เอกํเสนาติ ภนฺเต น โข เอตฺถ เอกํเสน
พฺยากาตพฺพนฺติ อตฺโถ. อุปฏฺานสารํ เสวโตติ อิทํ สารํ วรํ นิฏฺานนฺติ ๖-
เอวํ อุปฏฺิตํ สารํ เสวมานสฺส. อผลนฺติ อิฏฺผเลน อผลํ. เอตฺตาวตา
@เชิงอรรถ:  ม. วิปจฺจนํ      ม. ยถาชาติ     ฉ.ม. ปคฺคณฺหนานุพฺรูหนวเสน
@ ฉ.ม. ปตฺถนาปิ กมฺมปตฺถนาว    ฉ.ม. อิทํ วรํ อิทํ นิฏฺาติ
@ ฉ.ม.,อิ. นิฏฺาติ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๒๘. http://84000.org/tipitaka/read/attha_page.php?book=15&page=228&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5284&pagebreak=1 http://84000.org/tipitaka/atthapali/th_line.php?B=15&A=5284&pagebreak=1#p228


จบการแสดงผล หน้าที่ ๒๒๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]