ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๖๐.

                       ๑๐. ทุติยนิทานสุตฺตวณฺณนา
     [๑๑๓] ทสเม กมฺมานนฺติ วฏฺฏคามิกมฺมานเมว. ฉนฺทราคฏฺฐานิเยติ ฉนฺทราคสฺส
การณภูเต. อารพฺภาติ อาคมฺม สนฺธาย ปฏิจฺจ. ฉนฺโทติ ตณฺหาจฺฉนฺโท.
โย เจตโส สาราโคติ โย จิตฺตสฺส ราโค รชฺชนา รชฺชิตตฺตํ, เอตมหํ สํโยชนํ
พนฺธนํ วทามีติ ๑- อตฺโถ. สุกฺกปกฺเข กมฺมานนฺติ วิวฏฺฏคามิกมฺมานํ.
ตทภินิวชฺเชตีติ ตํ อภินิวชฺเชติ. ๒- ยทา ฐาเนน ๓- วิปาโก ญาโต โหติ วิทิโต,
ตทา เต เจว ธมฺเม ตํ จ วิปากํ อภินิวชฺเชติ. อิมินาว ปเทน วิปสฺสนา กถิตา,
ตทภินิวชฺเชตฺวาติ อิมินา มคฺโค กถิโต, ๔- เจตสา อภิวิราเชตฺวาติ ๕- อิมินา จ
ปน ๖- มคฺโคว. ปญฺญาย อติวิชฺฌ ๗- ปสฺสตีติ สห วิปสฺสนาย มคฺคปญฺญาย
นิพฺพิชฺฌิตฺวา ปสฺสติ. เอวํ สพฺพตฺถ อตฺโถ เวทิตพฺโพ. อิมสฺมึ ปน ๘- สุตฺเต
วฏฺฏวิวฏฺฏํ กถิตนฺติ.
                         สมฺโพธวคฺโค ปฐโม.
                          ------------
                        ๑๒. ๒. อาปายิกวคฺค
                        ๑. อาปายิกสุตฺตวณฺณนา
     [๑๑๔] ทุติยสฺส ปฐเม อปายํ คจฺฉิสฺสนฺตีติ อาปายิกา. นิรยํ คจฺฉิสฺสนฺตีติ
เนรยิกา. อิทมปฺปหายาติ อิทํ พฺรหฺมจาริปฏิญฺญาตาทิปาปกมฺมตฺตยํ ๙- อวิชหิตฺวา.
พฺรหฺมจาริปฏิญฺโญติ ๑๐- พฺรหฺมจาริปฏิรูปโก, เตสํ วา อากปฺปํ อวิชหเนน "อหํปิ
พฺรหฺมจารี"ติ เอวํปฏิญฺโญ. อนุทฺธํเสตีติ อกฺโกสติ ปริภาสติ โจเทติ. นตฺถิ
@เชิงอรรถ:  ฉ.ม.,อิ. สํโยชนํ วทามิ, พนฺธนํ วทามีติ    ฉ.ม. ตทภินิวตฺเตติ ตํ
@อภินิวตฺเตติ    ฉ.ม.,อิ. ยทา วา เตน     ฉ.ม.,อิ. อยํ ปาโฐ น ทิสฺสติ
@ ฉ.ม. อภินิวิชฺฌิตฺวาติ                   ฉ.ม.,อิ. อยํ สทฺโท น ทิสฺสติ
@ ก. อภิวิชฺฌ, ม, อภินิวิชฺฌ               อิ. อิมสฺมึปิ ปน
@ ฉ.ม.,อิ. พฺรหฺมจาริปฏิญฺญตาทึ ปาปธมฺมตฺตยํ  ๑๐ ปาลิ. อพฺรหฺมจาริปฏิญฺโญ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๖๐. http://84000.org/tipitaka/read/attha_page.php?book=15&page=260&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6027&modeTY=2&pagebreak=1 http://84000.org/tipitaka/atthapali/th_line.php?B=15&A=6027&modeTY=2&pagebreak=1#p260


จบการแสดงผล หน้าที่ ๒๖๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]