ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๙๒.

มารพลํ. อุปาติวตฺตาติ อติกฺกนฺตา. เต สุขิตาติ เต ขีณาสวา โลกุตฺตรสุเขน
สุขิตา นาม. เตเนวาห:-
           "สุขิโน ๑- วต อรหนฺโต ๒-     ตณฺหา เนสํ น วิชฺชติ
            อสฺมิมาโน สมุจฺฉินฺโน          โมหชาลํ ปทาลิตนฺ"ติ. ๓-
                        ๔. สํวรสุตฺตวณฺณนา
     [๑๔] จตุตฺเถ ปธานานีติ วิริยานิ. สํวรปฺปธานนฺติ จกฺขาทีนิ สํวรนฺตสฺส
อุปฺปนฺนวิริยํ. ปหานปฺปธานนฺติ กามวิตกฺกาทโย ปชหนฺตสฺส อุปฺปนฺนวิริยํ.
ภาวนาปฺปธานนฺติ สมฺโพชฺฌงฺเค ภาเวนฺตสฺส อุปฺปนฺนวิริยํ. อนุรกฺขนาปฺปธานนฺติ
สมาธินิมิตฺตํ อนุรกฺขนฺตสฺส อุปฺปนฺนวิริยํ.
     วิเวกนิสฺสิตนฺติอาทีสุ วิเวโก วิราโค นิโรโธติ ตีณิปิ นิพฺพานสฺส นามานิ.
นิพฺพานญฺหิ อุปธิวิเวกตฺตา วิเวโก, ตํ อาคมฺม ราคาทโย วิรชฺชนฺตีติ วิราโค,
นิรุชฺฌนฺตีติ นิโรโธ. ตสฺมา วิเวกนิสฺสิตนฺติอาทีสุ อารมฺมณวเสน วา อธิคนฺตพฺพ-
วเสน วา นิพฺพานนิสฺสิตนฺติ อตฺโถ. โวสฺสคฺคปริณามินฺติ เอตฺถ เทฺว โวสฺสคฺคา
ปริจฺจาคโวสฺสคฺโค จ ปกฺขนฺทนโวสฺสคฺโค จ. ตตฺถ วิปสฺสนา ตทงฺควเสน กิเลเส
จ ขนฺเธ จ ราคํ ปริจฺจชตีติ ๔- ปริจฺจาคโวสฺสคฺโค. มคฺโค อารมฺมณวเสน นิพฺพานํ
ปกฺขนฺทตีติ ปกฺขนฺทนโวสฺสคฺโค. ตสฺมา โวสฺสคฺคปริณามินฺติ ยถา ภาวิยมาโน
สติสมฺโพชฺฌงฺโค โวสฺสคฺคตฺถาย ปริณามติ, วิปสฺสนาภาวญฺจ มคฺคภาวญฺจ
ปาปุณาติ, เอวนฺตํ ภาเวตีติ อยเมตฺถ อตฺโถ. เสสปเทสุปิ เอเสว นโย. ภทฺทกนฺติ
ลทฺธกํ. สมาธินิมิตฺตํ วุจฺจติ อฏฺฐิกสญฺญาทิวเสน อธิคโต สมาธิเยว. อนุรกฺขตีติ
สมาธิปจฺจนีกธมฺเม ๕- ราคโทสโมเห โสเสนฺโต ๖- รกฺขติ. เอตฺถ จ อฏฺฐิกสญฺญาทิกา
@เชิงอรรถ:  ฉ.ม. สุขิตา         ม. อสาเทนฺโต
@ สํ. ข. ๑๗/๗๖/๖๘ อรหนฺตสุตฺต     สี. ขนฺเธ จ ปริจฺจชตีติ,
@สุ.วิ. ๓/๓๑๐/๒๑๖ อริยวํสจตุกฺกวณฺณนา   ม. สมาธิปริยุฏฺฐิตธมฺเม,
@ก. สมาธิปจฺจตฺถิกธมฺเม   ฉ.ม. โสเธนฺโต



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๙๒. http://84000.org/tipitaka/read/attha_page.php?book=15&page=292&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6749&modeTY=2&pagebreak=1 http://84000.org/tipitaka/atthapali/th_line.php?B=15&A=6749&modeTY=2&pagebreak=1#p292


จบการแสดงผล หน้าที่ ๒๙๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]