อรรถกถาเล่มที่ ๑๕ หน้าที่ ๓๒๕.

ชมฺโพนทสงฺขาตสฺส ชาติรตฺตสุวณฺณสฺส ^๑- นิกฺขสทิสํ ครหิตพฺพโทสวิมุตฺตํ โก ตํ ปุคฺคลํ นินฺทิตุํ อรหติ. พฺรหฺมุนาปิ ปสํสิโตติ มหาพฺรหฺมุนาปิ เอส ปุคฺคโล ปสํสิโตเยวาติ. เทสนาปริโยสาเน จตฺตาฬีส ภิกฺขุสหสฺสานิ อรหตฺเต ปติฏฺหึสุ. ๙. ธมฺมปทสุตฺตวณฺณนา [๒๙] นวเม ธมฺมปทานีติ ธมฺมโกฏฺาสา. อนภิชฺฌาติอาทีสุ อภิชฺฌาปฏิกฺเขเปน อนภิชฺฌา, พฺยาปาทปฏิกฺเขเปน อพฺยาปาโท, มิจฺฉาสติปฏิกฺเขเปน สมฺมาสติ, มิจฺฉาสมาธิปฏิกฺเขเปน สมฺมาสมาธิ เวทิตพฺโพ. อนภิชฺฌาลูติ นิตฺตโณฺห หุตฺวา. อพฺยาปนฺเนน เจตสาติ สพฺพกาลํ ปกติภาวํ อวิชหนฺเตน จิตฺเตน. สโต เอกคฺคจิตฺตสฺสาติ สติยา สมนฺนาคโต อารมฺมเณ เอกคฺคจิตฺโต อสฺส. อชฺฌตฺตํ สุสมาหิโตติ นิยกชฺฌตฺเต สุฏฺุ ปิตจิตฺโต. อิมสฺมึ สุตฺเตปิ คาถายปิ วฏฺฏวิวฏฺฏํ กถิตํ. ๑๐. ปริพฺพาชกสุตฺตวณฺณนา [๓๐] ทสเม อภิญฺาตาติ าตา ปากฏา. อนฺนภาโรติอาทีนิ เตสํ นามานิ. ปฏิสลฺลานา วุฏฺิโตติ ผลสมาปตฺติโต วุฏฺิโต. สา หิ อิธ ปฏิสลฺลานนฺติ อธิปฺเปตา. ปจฺจกฺขายาติ ปฏิกฺขิปิตฺวา. อภิชฺฌาลุนฺติ สตณฺหํ. กาเมสุ ติพฺพสาราคนฺติ วตฺถุกาเมสุ พหลราคํ. ตมหํ ตตฺถ เอวํ วเทยฺยนฺติ ตํ อหํ ^๒- ตสฺมึ วจเน วุตฺเต ^๒- ตสฺมึ การเณ เอวํ วเทยฺยํ. ปฏิกฺโกสิตพฺพํ มญฺเยฺยาติ ปฏิกฺโกสิตพฺพนฺติ ปฏิพาหิตพฺพนฺติ ^๓- มญฺเยฺย. สหธมฺมิกาติ สการณา. วาทานุปาตาติ ธมฺมิกวาเท ฆฏฺฏยมานา อธมฺมิกวาทานุปาตา, วาทปฺปวตฺติโยติ อตฺโถ. คารยฺหา านาติ ครหิตพฺพยุตฺตกา ปจฺจยา. อาคจฺฉนฺตีติ อุปคจฺฉนฺติ. @เชิงอรรถ: ^๑ สี. รตฺตสุวณฺณสฺส ^๒-๒ ฉ.ม. อิเม ปาา น ทิสฺสนฺติ @^๓ ฉ.ม. ปฏิกฺโกสิตพฺพานิ ปฏิพาหิตพฺพานิ วา

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๒๕. http://84000.org/tipitaka/read/attha_page.php?book=15&page=325&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=7523&pagebreak=1 http://84000.org/tipitaka/atthapali/th_line.php?B=15&A=7523&pagebreak=1#p325