ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๔.

      [๓๖] จตุตฺเถ ทกฺขิเณยฺยาติ ทกฺขิณาติ ๑- วุจฺจติ ทานํ, ตสฺส ปฏิคฺคหณยุตฺตา
กติ ปุคฺคลาติ ปุจฺฉติ. เสโขติ อิมินา สตฺต เสกฺเข ทสฺเสติ. เอตฺถ จ
สีลวนฺตปุถุชฺชโนปิ โสตาปนฺเนเนว สงฺคหิโต. อาหุเนยฺยา ยชมานานํ โหนฺตีติ ทานํ
ททนฺตานํ อาหุนสฺส อรหา ทานปฏิคฺคาหกา นาม โหนฺตีติ อตฺโถ. เขตฺตนฺติ
วตฺถุ ปติฏฺ, ๒- ปุญฺสฺส วิรุหนฏฺานนฺติ อตฺโถ.
      [๓๗] ปญฺจเม ปุพฺพาราเมติ สาวตฺถิโต ปุรตฺถิมทิสาภาเค อาราเม. ๓-
มิคารมาตุปาสาเทติ วิสาขาย อุปาสิกาย ปาสาเท. สา หิ มิคารเสฏฺินา มาตุฏฺาเน
ปิตตฺตาปิ, สพฺพเชฏฺกสฺส ปุตฺตสฺส อยฺยกเสฏฺิโน นาม ๔- สมานนามกตฺตาปิ
มิคารมาตาติ วุจฺจติ. ตาย การิโต สหสฺสคพฺโภ ปาสาโท มิคารมาตุปาสาโท นาม.
เถโร ตสฺมึ วิหรติ. ตตฺร โข อายสฺมา สาริปุตฺโตติ ตสฺมึ ปาสาเท วิหรนฺโต
ธมฺมเสนาปติ สาริปุตฺตตฺเถโร.
      ภิกฺขู อามนฺเตสีติ กสฺมึ กาเล อามนฺเตสิ? กานิจิ หิ สุตฺตานิ ปุเรภตฺเต
ภาสิตานิ อตฺถิ, กานิจิ ปจฺฉาภตฺเต, กานิจิ ปุริมยาเม, กานิจิ มชฺฌิมยาเม,
กานิจิ ปจฺฉิมยาเม. อิทํ ปน สมจิตฺตปฏิปทาสุตฺตํ ปจฺฉาภตฺเต ภาสิตํ. ตสฺมา
สายณฺหสมเย อามนฺเตสิ.
      น เกวลญฺเจตํ เถเรเนว ภาสิตํ, ตถาคเตนาปิ ภาสิตํ. กตฺถ นิสีทิตฺวาติ?
วิสาขาย รตนปาสาเท นิสีทิตฺวา. ตถาคโต หิ ปมโพธิยํ วีสติ วสฺสานิ
อนิพทฺธวาโส หุตฺวา ยตฺถ ยตฺถ ผาสุกํ โหติ, ตตฺถ ตตฺเถว คนฺตฺวา วสิ.
ปมํ อนฺโตวสฺสญฺหิ ๕- อิสิปตเน ธมฺมจกฺกํ ปวตฺเตตฺวา อฏฺารส มหาพฺรหฺมโกฏิโย
อมตปานํ ปาเยตฺวา พาราณสึ อุปนิสฺสาย อิสิปตเน วสิ. ทุติยํ อนฺโตวสฺสํ ราชคหํ
@เชิงอรรถ:  ฉ.ม.,อิ. ทกฺขิณา   ฉ.ม. ปติฏฺ สี.,อิ. ปุรตฺถิมทิสาย กเต อาราเม
@ ฉ.ม.,อิ. อยฺยกเสฏฺิโนว   สี. ปมกอนฺโตวสฺสํ หิ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๔. http://84000.org/tipitaka/read/attha_page.php?book=15&page=34&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=761&pagebreak=1 http://84000.org/tipitaka/atthapali/th_line.php?B=15&A=761&pagebreak=1#p34


จบการแสดงผล หน้าที่ ๓๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]