ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๔๕.

อโนตตฺตทเห ๑- มุขํ โธวิตฺวา สมฺปตฺเต กาเล อุตฺตรกุรุมฺหิ  ปิณฺฑาย จริตฺวา
จกฺกวาฬมุขวฏฺฏิยํ นิสินฺโน ภตฺตกิจฺจํ กโรติ, ตตฺถ มุหุตฺตํ วิสฺสมิตฺวาว ปุน
ชวติ. วสฺสตายุโกติ ตทา ทีฆายุกกาโล โหติ, อยํ ปน วสฺสสตาวสิฏฺเฐ
อายุมฺหิ คมนํ อารภิ. วสฺสสตชีวีติ ตํ วสฺสสตํ อนนฺตราเยน ชีวนฺโต. อนฺตราเยว
กาลกโตติ จกฺกวาฬโลกสฺส อนฺตํ อปฺปตฺวา อนฺตราว มโต. โส  ปน ตตฺถ
กาลํ กตฺวาปิ อาคนฺตฺวา อิมสฺมึเยว จกฺกวาเฬ นิพฺพตฺติ.
     อปฺปตฺวาติ สงฺขารโลกสฺส อนฺตํ อปฺปตฺวา. ทุกฺขสฺสาติ วฏฺฏทุกฺขสฺส.
อนฺตกิริยนฺติ ปริยนฺตกรณํ. กเฬวเรติ อตฺตภาเว. สสญฺญมฺหิ ๒- สมนเกติ
สสญฺเญ สจิตฺตเก. โลกนฺติ ทุกฺขสจฺจํ. โลกสมุทยนฺติ สมุทยสจฺจํ. โลกนิโรธนฺติ
นิโรธสจฺจํ. ปฏิปทนฺติ มคฺคสจฺจํ. อิติ "นาหํ อาวุโส อิมานิ จตฺตาริ สจฺจานิ
ติณกฏฺฐาทีสุ ปญฺญเปมิ, อิมสฺมึ ปน จาตุมฺมหาภูติเก กายสฺมึเยว ปญฺญเปมี"ติ
ทสฺเสติ. สมิตาวีติ สมิตปาโป. นาสึสตีติ น ปฏฺเฐติ. ฉฏฺฐํ อุตฺตานเมวาติ.
                         ๗. สุวิทูรสุตฺตวณฺณนา
     [๔๗] สตฺตเม สุวิทูรวิทูรานีติ เกนจิ ปริยาเยน น อาสนฺนานิ หุตฺวา
สุวิทูราเนว วิทูรานิ. นภญฺจ ภิกฺขเว ปฐวี จาติ อากาสญฺจ มหาปฐวี
จ. ตตฺถ กิญฺจาปิ ปฐวิโต   อากาสํ นาม น ทูเร, ทฺวงฺคุลมตฺเตปิ โหติ.
อญฺญมญฺญํ อลคฺคนฏฺเฐน ปน "สุวิทูรวิทูเร"ติ วุตฺตํ. เวโรจโนติ สุริโย. อสตญฺจ
ภิกฺขเว ธมฺโมติ จตุสติปฏฺฐานาทิเภโท สตฺตตึสโพธิปกฺขิยธมฺโม. อสตญฺจ ธมฺโมติ
ทฺวาสฏฺฐิทิฏฺฐิคตเภโท อสทฺธมฺโม.
     ปภงฺกโรติ อาโลกกโร. อพฺยายิโก ๓- โหตีติ อวิคจฺฉนสภาโว ๔- โหติ. สตํ
สมาคโมติ ปณฺฑิตานํ มิตฺตสนฺถววเสน สมาคโม. ยาวมฺปิ ๕- ติฏฺเฐยฺยาติ ยตฺตกํ
@เชิงอรรถ:  ฉ.ม. อโนตตฺเต     ฉ.ม. สสญฺญิมฺหิ
@ สี. อพฺยยิโก        ม. อธิมุจฺจนภาโว     ฉ.ม. ยาวาปิ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๔๕. http://84000.org/tipitaka/read/attha_page.php?book=15&page=345&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=7983&modeTY=2&pagebreak=1 http://84000.org/tipitaka/atthapali/th_line.php?B=15&A=7983&modeTY=2&pagebreak=1#p345


จบการแสดงผล หน้าที่ ๓๔๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]