บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๓๖๖.
๙. สมฺมาทิฏฺฐิสุตฺตวณฺณนา [๘๙] นวเม สมฺมาทิฏฺฐิโกติอาทีหิ อฏฺฐงฺคิกมคฺควเสน ปฐมสุตฺเต วิย สตฺต เสขา คหิตา. ทุติยวาเร ทสงฺคิกมคฺควเสเนว วา อรหตฺตผลญาณอรหตฺตผล- วิมุตฺตีหิ สทฺธึ, อฏฺฐงฺคิกมคฺควเสน วา สุกฺขวิปสฺสกขีณาสโว กถิโต, ตติยวาเร อุภโตภาควิมุตฺโต, จตุตฺถวาเร ตถาคโต จ ตถาคตสทิสขีณาสโว จาติ. อิติ อิทํ สุตฺตํ ปฐมสุตฺเต กถิตปุคฺคลานํ วเสเนว กถิตํ, เทสนามตฺตเมว ปเนตฺถ นานนฺติ. ๑๐. ขนฺธสุตฺตวณฺณนา [๙๐] ทสเม ปฐมวาเร ๑- อรหตฺตตฺถาย ปโยคํ อนารภิตฺวา ฐิโต ปมาทวิหารี เสขปุคฺคโล กถิโต. ทุติยวาเร ๒- อนุปฺปาทิตชฺฌาโน อารทฺธวิปสฺสโก อปฺปมาทวิหารี เสขปุคฺคโล กถิโต. ตติยวาเร ๓- อารทฺธวิปสฺสโก อปฺปมาทวิหารี อฏฺฐวิโมกฺขลาภี เสขปุคฺคโล กถิโต. จตุตฺถวาเร ปรมสุขุมาลขีณาสโวติ. มจลวคฺโค จตุตฺโถ. -------------- ๑๐. ๕. อสุรวคฺค ๑. อสุรสุตฺตวณฺณนา [๙๑] ปญฺจมสฺส ปฐเม อสุโรติ อสุรสทิโส พีภจฺโฉ. ๔- เทโวติ เทวสทิโส คุณวเสน อภิรูโป ปาสาทิโก. ๒. ปฐมสมาธิสุตฺตวณฺณนา [๙๒] ทุติเย อชฺฌตฺตํ เจโตสมถสฺสาติ นิยกชฺฌตฺเต อปฺปนาจิตฺตสมาธิสฺส. อธิปญฺญาธมฺมวิปสฺสนายาติ สงฺขารปริคฺคาหกวิปสฺสนาญาณสฺส. ตญฺหิ อธิปญฺญาสงฺขาตญฺจ, ปญฺจกฺขนฺธสงฺขาเตสุ จ ธมฺเมสุ วิปสฺสนาภูตํ, ตสฺมา "อธิปญฺญาธมฺมวิปสฺสนา"ติ วุจฺจตีติ. @เชิงอรรถ: ๑ สี. ปฐมวาเรน ๒ สี. ทุติยวาเรน ๓ สี. ตติยวาเรน ๔ ม. วิคจฺโฉเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๖๖. http://84000.org/tipitaka/read/attha_page.php?book=15&page=366&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8448&modeTY=2&pagebreak=1 http://84000.org/tipitaka/atthapali/th_line.php?B=15&A=8448&modeTY=2&pagebreak=1#p366
จบการแสดงผล หน้าที่ ๓๖๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]