ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๘๖.

อาภิเสเก ๑- อนภิสิตฺโต มนฺโท อุตฺตานเสยฺยโก, โสปิ อภิเสเก อาสํ น กโรติ.
โสฬสวสฺสุทฺเทสิโก ปน ปญฺญายมานมสฺสุปเภโท อจลปฺปตฺโต นาม โหติ, มหนฺตํปิ
รชฺชํ วิจาเรตุํ สมตฺโถ, ตสฺมา "อจลปฺปตฺโต"ติ อาห. ตสฺส เอวํ โหตีติ กสฺมา
โหติ? มหาชาติตาย.
      ทุสฺสีโลติ นิสฺสีโล. ปาปธมฺโมติ ลามกธมฺโม. อสุจีติ อสุจีหิ กายกมฺมาทีหิ
สมนฺนาคโต. สงฺกสฺสรสมาจาโรติ สงฺกาหิ สริตพฺพสมาจาโร, กิญฺจิเทว อสารุปฺปํ
ทิสฺวา "อิทํ อิมินา กตํ ภวิสฺสตี"ติ เอวํ ปเรสํ อาสงฺกนียสมาจาโร, อตฺตนาเยว
วา สงฺกาย ๒- สริตพฺพสมาจาโร, สาสงฺกสมาจาโรติ อตฺโถ. ตสฺส หิ ทิวาฏฺฐานาทีสุ
สนฺนิปติตฺวา กิญฺจิเทว มนฺตยนฺเต ภิกฺขู ทิสฺวา ๓- "อิเม เอกโต หุตฺวา
มนฺเตนฺติ, กจฺจิ นุ โข มยา กตกมฺมํ ชานิตฺวา มนฺเตนฺตี"ติ เอวํ สาสงฺกสมาจาโร
โหติ. ปฏิจฺฉนฺนกมฺมนฺโตติ ปฏิจฺฉาเทตพฺพยุตฺตเกน ปาปกมฺเมน สมนฺนาคโต. อสฺสมโณ
สมณปฏิญฺโญติ อสฺสมโณ หุตฺวา ๔- สมณปฏิรูปกตาย "สมโณ อหนฺ"ติ เอวํปฏิญฺโญ.
อพฺรหฺมจารี พฺรหฺมจาริปฏิญฺโญติ อญฺเญ พฺรหฺมจาริโน สุนิวตฺเถ สุปารุเต
กุสุมฺภกปฏธเร ๕- คามนิคมราชธานีสุ ปิณฺฑาย จริตฺวา ชีวิกํ กปฺเปนฺเต ทิสฺวา
สยํปิ ตาทิเสน อากาเรน ตถา ปฏิปชฺชนโต "อหํ พฺรหฺมจารี"ติ ปฏิญฺญํ เทนฺโต
วิย โหติ, "อหํ ภิกฺขู"ติ วตฺวา อุโปสถคฺคาทีนิ ปวิสนฺโต ปน พฺรหฺมจาริปฏิญฺโญ
โหติเยว, ตถา สํฆิกลาภํ คณฺหนฺโต. อนฺโตปูตีติ ปูตินา กมฺเมน อนฺโต อนุปวิฏฺโฐ.
อวสฺสุโตติ สญฺชาตราคาทีหิ ๖- ตินฺโต. กสมฺพุชาโตติ สญฺชาตราคาทิกจวโร. ตสฺส น
เอวํ โหตีติ กสฺมา น โหติ? โลกุตฺตรธมฺมอุปนิสฺสยสฺส นตฺถิตาย. ตสฺส เอวํ
โหตีติ กสฺมา โหติ? มหาสีลสฺมึ ปริปูริการิตาย.
@เชิงอรรถ:  ฉ.ม.,อิ. อาภิเสโก   ฉ.ม.,อิ. สงฺกาหิ   ก. มนฺตยนฺเต ทิสฺวา
@ ฉ.ม.,อิ. หุตฺวาว   ฉ.ม.,อิ. สุมฺภกปตฺตธเร   ฉ.ม.,อิ. ราคาทีหิ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๘๖. http://84000.org/tipitaka/read/attha_page.php?book=15&page=86&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1904&modeTY=2&pagebreak=1 http://84000.org/tipitaka/atthapali/th_line.php?B=15&A=1904&modeTY=2&pagebreak=1#p86


จบการแสดงผล หน้าที่ ๘๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]