บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๑๑๐.
สมาธิสฺส กลฺลตากุสโลติ ๑- สมาธิสฺส กลฺลตาย กุสโล, สมาธิจิตฺตํ หาเสตุํ กลฺลํ กาตุํ สกฺโกตีติ อตฺโถ. สมาธิสฺส โคจรกุสโลติ สมาธิสฺส อสปฺปาเย อนุปการเก ธมฺเม วชฺเชตฺวา สปฺปาเย อุปการเก เสวนฺโตปิ, "อยํ สมาธิ- นิมิตฺตารมฺมโณ, อยํ ลกฺขณารมฺมโณ"ติ ชานนฺโตปิ สมาธิสฺส โคจรกุสโล นาม โหติ. สมาธิสฺส อภินีหารกุสโลติ อุปริ อุปริ สมาปตฺติสมาปชฺชนตฺถาย ปมชฺฌานาทิ- สมาธึ อภินีหริตุํ สกฺโกนฺโต สมาธิสฺส อภินีหารกุสโล นาม โหติ. โส ปมชฺฌานา วุฏฺาย ทุติยํ สมาปชฺชติ, ทุติยชฺฌานา ฯเปฯ ตติยชฺฌานา วุฏฺาย จตุตฺถํ สมาปชฺชตีติ. ๕. อนุสฺสติฏฺานสุตฺตวณฺณนา [๒๕] ปญฺจเม อนุสฺสติฏฺานานีติ อนุสฺสติการณานิ. อิติปิ โส ภควาติ- อาทีนิ วิสุทฺธิมคฺเค วิตฺถาริตาเนว. อิทมฺปิ โข ภิกฺขเว อารมฺมณํ กริตฺวาติ อิทํ พุทฺธานุสฺสติกมฺมฏฺานํ อารมฺมณํ กตฺวา. วิสุชฺฌนฺตีติ ปรมวิสุทฺธินิพฺพานํ ปาปุณนฺติ. เสสํ สพฺพตฺถ อุตฺตานตฺถเมว. อิมสฺมึ ปน สุตฺเต ฉ อนุสฺสติฏฺานานิ มิสฺสกานิ กถิตานีติ เวทิตพฺพานิ. ๖. มหากจฺจานสุตฺตวณฺณนา [๒๖] ฉฏฺเ สมฺพาเธติ ปญฺจกามคุณสมฺพาเธ. โอกาสาธิคโมติ เอตฺถ โอกาสา วุจฺจนฺติ ฉ อนุสฺสติฏฺานานิ, เตสํ อธิคโม. วิสุทฺธิยาติ วิสุชฺฌนตฺถาย. โสกปริเทวานํ สมติกฺกมายาติ โสกานญฺจ ปริเทวานญฺจ สมติกฺกมนตฺถาย. อตฺถงฺคมายาติ อตฺถํ คมนตฺถาย. ายสฺส อธิคมายาติ สหวิปสฺสนกสฺส มคฺคสฺส อธิคมนตฺถาย. นิพฺพานสฺส สจฺฉิกิริยายาติ อปจฺจยปรินิพฺพานสฺส ปจฺจกฺขกิริยตฺถาย. สพฺพโสติ สพฺพากาเรน. อากาสสเมนาติ อลคฺคนฏฺเน เจว อปลิพุชฺฌนฏฺเน ๓- จ อากาสสทิเสน. วิปุเลนาติ น ปริตฺตเกน. มหคฺคเตนาติ @เชิงอรรถ: ๑ ฉ.ม. กลฺลิตกุสโลติ ๒ วิสุทฺธิ. ๑/๒๕๒ ฉอนุสฺสตินิทฺเทส @๓ ฉ.ม. อปลิพุทฺธฏฺเนเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๑๐. http://84000.org/tipitaka/read/attha_page.php?book=16&page=110&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2461&pagebreak=1 http://84000.org/tipitaka/atthapali/th_line.php?B=16&A=2461&pagebreak=1#p110
จบการแสดงผล หน้าที่ ๑๑๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]