อรรถกถาเล่มที่ ๑๖ หน้าที่ ๑๕๔-๑๕๕.

หน้าที่ ๑๕๔.

๕. อธิคมสุตฺตวณฺณนา [๗๙] ปญฺจเม น อายกุสโลติ น อาคมนกุสโล. น อปายกุสโลติ น อปคมนกุสโล. ฉนฺทนฺติ กตฺตุกมฺยตาฉนฺทํ. น สารกฺขตีติ ^๑- น รกฺขติ. ๖. มหนฺตตฺตสุตฺตวณฺณนา [๘๐] ฉฏฺเฐ อาโลกพหุโลติ ญาณาโลกพหุโล. โยคพหุโลติ โยเค พหุลํ กโรติ. เวทพหุโลติ ปีติปาโมชฺชพหุโล. อสนฺตุฏฺฐิพหุโลติ กุสลธมฺเมสุ อสนฺตุฏฺโฐ. อนิกฺขิตฺตธุโรติ อฏฺฐปิตธุโร ปคฺคหิตวิริโย. อุตฺตริญฺจ ปตาเรตีติ สมฺปติ อุตฺตริญฺจ วิริยํ กโรเตว. สตฺตมํ อุตฺตานเมว. ๘-๑๐. ทุติยนิรยสุตฺตาทิวณฺณนา [๘๒-๘๔] อฏฺฐเม ปคพฺโภติ กายปาคพฺภิยาทีหิ สมนฺนาคโต. นวมํ อุตฺตานเมว. ทสเม วิฆาตวาติ มหิจฺฉตํ นิสฺสาย อุปฺปนฺเนน โลภทุกฺเขน ทุกฺขิโต. เสสํ สพฺพตฺถ อุตฺตานเมวาติ. อรหตฺตวคฺโค อฏฺฐโม. ---------------- ๙. สีติวคฺค ๑. สีติภาวสุตฺตวณฺณนา [๘๕] นวมสฺส ปฐเม สีติภาวนฺติ สีตลภาวํ. ยสฺมึ สมเย จิตฺตํ นิคฺคณฺหิตพฺพนฺติอาทีสุ อุทฺธจฺจสมเย จิตฺตํ สมาธินา นิคฺคเหตพฺพํ นาม, @เชิงอรรถ: ^๑ ฉ.ม. อารกฺขตีติ

--------------------------------------------------------------------------------------------- หน้าที่ ๑๕๕.

โกสชฺชานุปติตกาเล วิริเยน ปคฺคเหตพฺพํ นาม, นิรสฺสาทคตกาเล สมาธินา สมฺปหํสิตพฺพํ นาม, สมปฺปวตฺตกาเล โพชฺฌงฺคุเปกฺขาย อชฺฌุเปกฺขิตพฺพํ นาม. ๒. อาวรณสุตฺตวณฺณนา [๘๖] ทุติเย กมฺมาวรณตายาติ ปญฺจหิ อานนฺตริยกมฺเมหิ. กิเลสาวรณตายาติ นิยตมิจฺฉาทิฏฺฐิยา. วิปากาวรณตายาติ อกุสลวิปากปฏิสนฺธิยา วา กุสลวิปาเกปิ อเหตุกปฏิสนฺธิยา วาติ. ๔-๕. สุสฺสูสติสุตฺตาทิวณฺณนา [๘๘-๘๙] จตุตฺเถ อนตฺถนฺติ อวฑฺฒึ. อตฺถํ ริญฺจตีติ วฑฺฒิอตฺถํ ฉฑฺเฑติ. อนนุโลมิกายาติ สาสนสฺส อนนุโลมิกาย. ปญฺจเม ทิฏฺฐิสมฺปทนฺติ โสตาปตฺติมคฺคํ. ๘-๑๑. อภพฺพฏฺฐานสุตฺตจตุกฺกวณฺณนา [๙๒-๙๕] อฏฺฐเม อนาคมนียวตฺถุนฺติ อนุปคนฺตพฺพการณํ, ^๑- ปญฺจนฺนํ เวรานํ ทฺวาสฏฺฐิยา จ ทิฏฺฐิคตานเมตํ อธิวจนํ. อฏฺฐมํ ภวนฺติ กามาวจเร อฏฺฐมํ ปฏิสนฺธึ. นวเม โกตุหลมงฺคเลนาติ ทิฏฺฐสุตมุตมงฺคเลน. ทสเม สยํ กตนฺติอาทีนิ อตฺตทิฏฺฐิวเสน วุตฺตานิ. อธิจฺจสมุปฺปนฺนนฺติ อเหตุนิพฺพตฺตํ. เสสํ สพฺพตฺถ อุตฺตานเมวาติ. สีติวคฺโค นวโม. ------------- @เชิงอรรถ: ^๑ สี. อนนุคนฺตพฺพํ การณํ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๕๔-๑๕๕. http://84000.org/tipitaka/read/attha_page.php?book=16&page=154&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=3464&modeTY=2&pagebreak=1 http://84000.org/tipitaka/atthapali/th_line.php?B=16&A=3464&modeTY=2&pagebreak=1#p154