อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๑๘๙.

ปกฺกามิ, ยาว อุปาสิกา อฏฺฐาสิ, ตาว โกฏฺฐานํ เหฏฺฐิมตลํ นาม ทฏฺฐุํ นาสกฺขึสุ.
ตโต ปฏฺฐาย "นนฺทมาตาย โกฏฺฐาคารํ วิยา"ติ โวหาโร อุทปาทิ.
     อกตปาตราโสติ อภุตฺตปาตราโส. ปุญฺญนฺติ ปุพฺพเจตนา จ มุญฺจนเจตนา
จ. ปุญฺญมหิตนฺติ ๑- อปรเจตนา. สุขาย โหตูติ สุขตฺถาย หิตตฺถาย โหตุ. เอวํ
อตฺตโน ทาเน เวสฺสวณสฺส ปตฺตึ อทาสิ.
     ปกรเณติ การเณ. โอกฺกสฺส ปสยฺหาติ อากฑฺฒิตฺวา อภิภวิตฺวา.
ยกฺขโยนินฺติ ภุมฺมเทวตาภาวํ. เตเนว ปุริเมน อตฺตภาเวน อุทฺทสฺเสสีติ
ปุริมสรีรสทิสเมว สรีรํ มาเปตฺวา อลงฺกตปฏิยตฺโต สิริคพฺเภ สยนตเล อตฺตานํ
ทสฺเสติ. อุปาสิกา ปฏิเทสิตาติ อุปาสิกา อหนฺติ เอวํ อุปาสิกภาวํ เทเสสึ.
ยาวเทวาติ ยาวเอว. ๒- เสสํ สพฺพตฺถ อุตฺตานมวาติ.
                        มหายญฺญวคฺโค ปญฺจโม.
                         ปณฺณาสโก นิฏฺฐิโต.
                           -----------
                          ๖. อพฺยากตวคฺค
                        ๑. อพฺยากตสุตฺตวณฺณนา
     [๕๔] ฉฏฺฐวคฺคสฺส ปฐเม อพฺยากตวตฺถูสูติ เอกํสาทิวเสน อกถิตวตฺถูสุ.
ตถาคโตติ สตฺโต. ทิฏฺฐิคตเมตนฺติ มิจฺฉาทิฏฺฐิมตฺตกเมตํ, น ตาย ทิฏฺฐิยา
คหิตสตฺโต นาม อตฺถิ. ปฏิปทนฺติ อริยมคฺคํ. น ฉมฺภตีติ ทิฏฺฐิวเสน น กมฺปติ.
เสสปเทสุปิ เอเสว นโย. ตณฺหาคตนฺติ ทิฏฺฐิตณฺหา. สญฺญาคตาทีสุปิ เอเสว นโย.
@เชิงอรรถ: ๑ ฉ.ม. ปุญฺญมหีติ  ๒ ฉ.ม. ยาวเทติ ยาวเทว


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๘๙.
http://84000.org/tipitaka/read/attha_page.php?book=16&page=189&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=4211&modeTY=2&pagebreak=1
http://84000.org/tipitaka/atthapali/th_line.php?B=16&A=4211&modeTY=2&pagebreak=1#p189