อรรถกถาเล่มที่ ๑๖ หน้าที่ ๒๔๙.

อิธ อิมํ ขณํ ลภิตฺวาปิ สทฺธมฺมสฺส นิยามตํ อริยมคฺคํ น ^๑- นิราเธติ น สมฺปาเทติ. อตีตตฺโถติ หาปิตตฺโถ. จิรตฺตนุตปิสฺสตีติ ^๒- จิรํ รตฺตํ โสจิสฺสติ. ยถา หิ "อสุกฏฺฐาเน ภณฺฑํ สมุปฺปนฺนนฺ"ติ สุตฺวา เอโก วาณิโช น คจฺเฉยฺย, อญฺเญ คนฺตฺวา คเณฺหยฺยุํ, เตสํ ตํ อฏฺฐคุณํปิ ทสคุณํปิ ภเวยฺย. อถ อิตโร "มม อตฺโถ อติกฺกนฺโต"ติ อนุตปฺเปยฺย, เอวํ โย อิธ ขณํ ลภิตฺวา อปฺปฏิปชฺชนฺโต สทฺธมฺมสฺส นิยามตํ วิราเธติ, โส อยํ วาณิโชว อตีตตฺโถ จิรํ อนุตปฺปิสฺสติ โสจิสฺสติ. กิญฺจ ภิยฺโย อวิชฺชานิวุโตติ ^๓- ตถา. ปจฺจวิทุนฺติ ปฏิวิชฺฌึสุ. สํวราติ สีลสํวรา. มารเธยฺยสรานุเคติ ^๔- มารเธยฺยสงฺขาตํ สํสารํ อนุคเต. ปารคตาติ ^๕- นิพฺพานํ คตา. เย ปตฺตา อาสวกฺขยนฺติ เย อรหตฺตํ ปตฺตา. เอวมิธ คาถาสุ วฏฺฏวิวฏฺฏํ กถิตํ. ๑๐. อนุรุทฺธมหาวิตกฺกสุตฺตวณฺณนา [๓๐] ทสเม เจตีสูติ เจตินามกานํ ราชูนํ นิวาสนฏฺฐานตฺตา ^๖- เอวํลทฺธโวหาเร รฏฺเฐ. ปาจีนวํสทาเยติ ทสพลสฺส วสนฏฺฐานโต ปาจีนทิสาย ฐิเต วํสทาเย นีโลภาเสหิ เวฬูหิ สญฺฉนฺเน อรญฺเญ. เอวํ เจตโส ปริวิตกฺโก อุทปาที ติ เถโร กิร ปพฺพชิตฺวา ปฐมํ อนฺโตวสฺสมฺหิเยว สมาปตฺติลาภี หุตฺวา สหสฺสโลกธาตุ- ทสฺสนสมตฺถํ ทิพฺพจกฺขุญาณํ อุปฺปาเทสิ. โส สาริปุตฺตตฺเถรสฺส สนฺติกํ คนฺตฺวา เอวมาห "อิธาหํ อาวุโส สาริปุตฺต ทิพฺเพน จกฺขุนา วิสุทฺเธน อติกฺกนฺตมานุสเกน สหสฺสโลกํ โอโลเกมิ. อารทฺธํ โข ปน เม วิริยํ อสลฺลีนํ, อุปฏฺฐิตา สติ อสมฺมุฏฺฐา, อสฺสทฺโธ กาโย อสารทฺโธ, สมาหิตํ จิตฺตํ เอกคฺคํ. อถ จ ปน เมอนุปาทายอาสเวหิ จิตฺตํ น วิมุจฺจตี"ติ อถ นํ เถโร อาห "ยํ โข เต อาวุโส อนุรุทฺธ เอวํ โหติ `อหํ ทิพฺเพน จกฺจุนา ฯเปฯ โอโลเกมี"ติ, @เชิงอรรถ: ^๑ ฉ.ม. อยํ สทฺโท น ทิสฺสติ ^๒ ฉ.ม. จิรตฺตํ อนุตปิสฺสตีติ @^๓ สี. อวิชฺชานิวสุโตปิ ^๔ ฉ.ม. มาเธยฺยปรานุเคติ @^๕ ฉ.ม. ปารงฺคตาติ ^๖ ฉ.ม. นิวาสฏฺฐานตฺตา

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๔๙. http://84000.org/tipitaka/read/attha_page.php?book=16&page=249&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5581&modeTY=2&pagebreak=1 http://84000.org/tipitaka/atthapali/th_line.php?B=16&A=5581&modeTY=2&pagebreak=1#p249