อรรถกถาเล่มที่ ๑๖ หน้าที่ ๒๕๓.

มโนมเยนาติ มเนน นิพฺพตฺติตกาโยปิ มโนมโยติ วุจฺจติ มเนน คตกาโยปิ ^๑- อิธ มเนน คตกายํ สนฺธาเยวมาห. ยถา เม อหุ สงฺกปฺโปติ ยถา มยฺหํ วิตกฺโก อโหสิ, ตโต อุตฺตรึ อฏฺมํ มหาปุริสวิตกฺกํ ทสฺเสนฺโต ตโต อุตฺตรึ เทสยิ. เสสํ สพฺพํ อุตฺตานตฺถเมวาติ. ^๒- คหปติวคฺโค ตติโย. --------------- ๔. ทานวคฺค ๑. ปมทานสุตฺตวณฺณนา [๓๑] จตุตฺถสฺส ปเม อาสชฺช ทานํ เทตีติ ปตฺวา ทานํ เทติ. อาคตํ ทิสฺวาว ^๓- ตํ มุหุตฺตํเยว นิสีทาเปตฺวา สกฺการํ กตฺวา ทานํ เทติ, ทสฺสามีติ น กิลเมติ. ภยาติ "อยํ อทายโก อการโก"ติ ครหภยา, อปายภยา วา. อทาสิ เมติ มยฺหํ ปุพฺเพ เอส อิทํ นาม อทาสีติ เทติ. ทสฺสติ เมติ อนาคเต อิทํ นาม ทสฺสตีติ เทติ. สาหุ ทานนฺติ ทานํ นาม สาธุ สุนฺทรํ พุทฺธาทีหิ ปณฺฑิเตหิ ปสตฺถนฺติ เทติ. จิตฺตาลงฺการจิตฺตปริกฺขารตฺถํ ทานํ เทตีติ สมถวิปสฺสนาจิตฺตสฺส อลงฺการตฺถญฺเจว ปริกฺขารตฺถญฺจ เทติ. ทานญฺหิ จิตฺตํ มุทุํ กโรติ. เยน ลทฺธํ โหติ, ^๔- โส "ลทฺธํ เม"ติ มุทุจิตฺโต โหติ. เยน ทินฺนํ, โสปิ "ทินฺนํ มยา"ติ มุทุจิตฺโต โหติ, อิติ อุภินฺนํ จิตฺตํ มุทุํ กโรติ. เตเนว "อทนฺตทมนนฺ"ติ วุจฺจติ. ยถาห:- "อทนฺตทมนํ ทานํ อทานํ ทนฺตทูสกํ ^๕- ทาเนน ปิยวาจาย ^๖- อุนฺนมนฺติ นมนฺติ จาติ. @เชิงอรรถ: ^๑ สี. นิมฺมิตกาโยปิ ^๒ ฉ.ม. เสสํ สพฺพตฺถ อุตฺตานเมวาติ @^๓ ฉ.ม. ทิสฺวา ^๔ ฉ.ม. เยน ลทฺโธ @^๕ สี. ทานํ สพฺพตฺถสาธกํ, วิสุทฺธิ. ๒/๑๐๘ พฺรหฺมวิหารนิทฺเทส ^๖ ก. อเนน @ปิยวาเจน, สุ.วิ. ๓/๓๓๖/๒๔๓

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๕๓. http://84000.org/tipitaka/read/attha_page.php?book=16&page=253&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5676&pagebreak=1 http://84000.org/tipitaka/atthapali/th_line.php?B=16&A=5676&pagebreak=1#p253