บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๒๖๐.
อตฺโถ. มทนีโยติ มานมทปุริสมทชนโน. อินฺทฺริยานิ โอกฺขิปีติ "อสารุปฺปํ อิมา เทวตา กโรนฺตี"ติ อินฺทฺริยานิ เหฏฺฐา ขิปิ, น อกฺขีนิ อุมฺมิเลตฺวา โอโลเกสิ. น ขฺวยฺโย อนุรุทฺโธ สาทิยตีติ "มยํ นจฺจาม คายาม, อยฺโย ปน อนุรุทฺโธ น โข สาทิยติ, อกฺขีนิ อุมฺมิเลตฺวา น โอโลเกติ, กึ มยํ นจฺจิตฺวา วา คายิตฺวา วา กริสฺสามา"ติ ตตฺเถว อนฺตรธายึสุ. เยน ภควา เตนุปสงฺกมีติ ตาสํ เทวตานํ อานุภาวํ ทิสฺวา "กติหิ นุ โข ธมฺเมหิ สมนฺนาคโต มาตุคาโม มนาปกายิเก เทวโลเก นิพฺพตฺตตี"ติ อิมมตฺถํ ปุจฺฉิตุํ อุปสงฺกมิ. ๙-๑๐. อิธโลกิกสุตฺตทฺวยวณฺณนา [๔๙-๕๐] นวเม อยํส โลโก ๑- อารทฺโธ โหตีติ อยมสฺส โลโก อิธโลเก กรณกมฺมตฺถาย ๒- วิริยสฺส อารทฺธตฺตา ปริปุณฺณตฺตา อารทฺโธ โหติ ปริปุณฺโณ. โสฬสาการสมฺปนฺนาติ สุตฺเต วุตฺเตหิ อฏฺฐหิ, อฏฺฐกถาสุ ๓- อฏฺฐหีติ โสฬสหิ อากาเรหิ สมนฺนาคตา, ยานิ วา ๔- อฏฺฐงฺคานิ ปรํปิ เตสุ สมาทเปตีติ เอวํปิ โสฬสาการสมฺปนฺนาติ เอเก. สทฺธาสีลจาคปญฺญา ๕- ปเนตฺถ มิสฺสิกา กถิตา. ทสมํ ภิกฺขุสํฆสฺส กถิตํ. สพฺพสุตฺเตสุ ปน ยํ น วุตฺตํ, ตํ เหฏฺฐา อาคตนยตฺตา อุตฺตานตฺถเมวาติ. อุโปสถวคฺโค ปญฺจโม. ปฐมปณฺณาสโก นิฏฺฐิโต. ---------------- @เชิงอรรถ: ๑ ฉ.ม. อยํ โลโก ๒ สี. โลโก กรณมตฺตาย อารทฺธตฺตา, ฉ.ม. โลโก อิธ โลเก @กรณมตฺตาย อารทฺธตฺตา ๓ ฉ.ม. กถาสุ ๔ สี.,ม. ยานิ ตสฺสา ๕ ฉ. สทฺธาสีลปญฺญาเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๖๐. http://84000.org/tipitaka/read/attha_page.php?book=16&page=260&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5839&modeTY=2&pagebreak=1 http://84000.org/tipitaka/atthapali/th_line.php?B=16&A=5839&modeTY=2&pagebreak=1#p260
จบการแสดงผล หน้าที่ ๒๖๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]