บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๒๖๖.
อิสฺสตฺเถนาติ ๑- อิสฺสาสกมฺเมน. ตตฺรุปายายาติ "อิมสฺมึ กาเล อิทํ นาม กาตุํ วฏฺฏตี"ติ ชานเน ตตฺรุปายภูตาย. ๒- วุฑฺฒสีลิโนติ ๓- วฑฺฒิตสีลา วุฑฺฒสมาจารา. อายนฺติ อาคมนํ. นาจฺโจคาฬฺหนฺติ นาติมหนฺตํ. นาติหีนนฺติ นาติกสิรํ. ปริยาทายาติ คเหตฺวา เขเปตฺวา. ตตฺถ ยสฺส วยโต ทฺวิคุโณ อาโย, ตสฺส วโย อายํ ปริยาทาตุํ น สกฺโกติ. "จตุธา วิภเช โภเค ปณฺฑิโต ฆรมาวสํ เอเกน โภเค ภุญฺเชยฺย ทฺวีหิ กมฺมํ ปโยชเย จตุตฺถญฺจ นิธาเปยฺย อาปทาสุ ภวิสฺสตี"ติ ๔- เอวํ ปฏิปชฺชโต ปน วโย อายํ ปริยาทาตุํ น สกฺโกติเยว. อุทุมฺพรขาทิกนฺติ ๕- ยถา อุทุมฺพรานิ ขาทิตุกาเมน ปกฺเก อุทุมฺพรรุกฺเข จาลิเต เอกปฺปหาเรเนว พหูนิ ผลานิ ปตนฺติ, โส ขาทิตพฺพยุตฺตกานิ ขาทิตฺวา อิตรานิ พหุตรานิ ปหาย คจฺฉติ, เอวเมว โย อายโต วยํ พหุตรํ กตฺวา วิปฺปกิรนฺโต โภเค ปริภุญฺชติ, โส "อุทุมฺพรขาทิกญฺจายํ ๖- กุลปุตฺโต โภเค ขาทตี"ติ วุจฺจติ. อทฺธมาริกนฺติ อนาถมรณํ. ๗- สมชีวิกํ ๘- กปฺเปตีติ สมํ ๙- ชีวิกํ กปฺเปติ. สมชีวิตาติ สมชีวิตาย ชีวิตา. ๑๐- อปายมุขานีติ วินาสฏฺฐานานิ. อุฏฺฐาตา กมฺมเธยฺเยสูติ กมฺมกรณฏฺฐาเนสุ อุฏฺฐานวิริยสมฺปนฺโน. วิธานวาติ วิธานสมฺปนฺโน. ๑๑- โสตฺถานํ สมฺปรายิกนฺติ โสตฺถิภูตํ สมฺปรายิกํ. สจฺจนาเมนาติ พุทฺธตฺตาเยว พุทฺโธติ เอวํ อวิตถนาเมน. จาโค ปุญฺญํ ปวฑฺฒตีติ จาโค เจว เสสปุญฺญญฺจ ปวฑฺฒติ. อิมสฺมึ สุตฺเต สทฺธาทโย มิสฺสกา กถิตา. ปญฺจมํ อุตฺตานเมว. @เชิงอรรถ: ๑ ฉ.ม. อิสฺสตฺเตนาติ ๒ ฉ.ม. อุปายภูตาย @๓ ฉ.ม. วุทฺธสีลิโนติ ๔ ที.ปา. ๑๑/๒๖๕/๑๖๓ สิงฺคาลสุตฺต @๕ ฉ.ม. อุทุมฺพรขาทีวาติ ๖ ฉ.ม. อุทุมฺพรขาทิกํ วายํ ๗ สี. อชทฺธุมาริกนฺติ @อนาถมรณํ, ฉ.ม. อเชฏฺฐมรณนฺติ อนายกมรณํ ๘ ฉ.ม. สมํ ชีวิกํ ๙ ฉ.ม. สมฺมา @๑๐ สี. สมํ ชีวิกา ๑๑ ฉ.ม. วิทหนสมฺปนฺโนเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๖๖. http://84000.org/tipitaka/read/attha_page.php?book=16&page=266&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5974&modeTY=2&pagebreak=1 http://84000.org/tipitaka/atthapali/th_line.php?B=16&A=5974&modeTY=2&pagebreak=1#p266
จบการแสดงผล หน้าที่ ๒๖๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]