บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๓๐๑.
สุมนทามํ ปิลนฺธึสุ, จตูสุ ปาเทสุ นปูรานิ, ปิฏฺิยํ วรทุกูลํ ปารุตํ, กณฺเ สุวณฺณคณฺฑึ ๑- พนฺธึสุ. วตฺถโกฏิสหสฺสานีติ โลกโวหาเรน ๒- วีสติวตฺถยุคานิ เอกโกฏิ, อิธ ปน ทส ทส สาฏกา เอกโกฏีติ วุตฺตา. ๓- โขมสุขุมานนฺติอาทิมฺหิ โขมาทีสุ ยํ ยํ สุขุมํ, ตํ ตเทว อทาสิ. ยานิ ปเนตานิ อิตฺถีทานํ อุสภทานํ มชฺชทานํ สมชฺชทานนฺติ อทานนฺติ สมฺมตานิ, ๔- ตานิปิ เอส "เวลามสฺส ทานมุเข อิทนฺนาม นตฺถี"ติ วจนปถํ ปจฺฉินฺทิตุํ ปริวารตฺถาย อทาสิ. นชฺโช มญฺเ วิสฺสนฺทนฺตีติ นทิโย วิย วิสฺสนฺทนฺติ. อิมินา เอตฺตเกน ๕- สตฺถา เวลามสฺส ทานํ กเถตฺวา "คหปติ เอตํ มหาทานํ น อญฺโ อทาสิ, อหํ อทาสึ. เอวรูปํ ปน ทานํ ททนฺโตปิ อหํ ปฏิคฺคเหตุํ ยุตฺตรูปํ ปุคฺคลํ นาลตฺถํ, ตฺวํ มาทิเส พุทฺเธ โลกสฺมึ ทิสฺสมาเน ๖- ทานํ ททมาโน กสฺมา จินฺเตสี"ติ เสฏฺิสฺส เทสนํ วฑฺเฒนฺโต สิยา โข ปน เตติอาทิมาห. นนุ จ ยานิ ตทา อเหสุํ รูปเวทนาสญฺาสงฺขารวิญฺาณานิ, ตานิ นิรุทฺธานิ. กสฺมา "อหนฺเตน สมเยน เวลาโม นาม ๗- พฺราหฺมโณ"ติ อาหาติ? ปเวณิยา อวิจฺฉินฺนตฺตา. ตานิ หิ รูปาทีนิ นิรุชฺฌมานานิ อิเมสํ ปจฺจเย ทตฺวา นิรุทฺธานิ อปราปรํ อวิจฺฉินฺนํ ปเวณึ คเหตฺวา เอวมาห. น ตํ โกจิ ทกฺขิณํ โสเธตีติ โกจิ สมโณ วา พฺราหฺมโณ วา เทโว วา มาโร วา อุฏฺาย ตํ ทกฺขิณํ โสเธตีติ วตฺตพฺโพ นาโหสิ. ตญฺหิ ทกฺขิณํ โสเธนฺโต อุตฺตมโกฏิยา พุทฺโธ, เหฏฺิมโกฏิยา ธมฺมเสนา- ปติสาริปุตฺตตฺเถรสทิโส สาวโก โสเธยฺย. ทิฏฺิสมฺปนฺนนฺติ ทสฺสนสมฺปนฺนํ โสตาปนฺนํ. อิทํ ตโต มหปฺผลตรนฺติ อิทํ โสตาปนฺนสฺส ทินฺนทานํ โลกิยมหาชนสฺส สตฺตมาสาธิกานิ สตฺต สํวจฺฉรานิ เอตฺตกํ หิรญฺสุวณฺณํ ปริจฺจชนฺเตน ทินฺนทานโต มหปฺผลํ. @เชิงอรรถ: ๑ ฉ.ม. สุวณฺณฆณฺฏํ ๒ ฉ.ม. โลกโวหารโต ๓ ฉ.ม. อิธ ปน ทส สาฏกาติ วุตฺตํ @๔ ฉ.ม. อทานสมฺมตานิ ๕ ฉ.ม. อยํ ปาโ น ทิสฺสติ @๖ ฉ.ม. ทิฏฺมาเน ๗ ฉ.ม. อยํ สทฺโท น ทิสฺสติเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๐๑. http://84000.org/tipitaka/read/attha_page.php?book=16&page=301&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6778&pagebreak=1 http://84000.org/tipitaka/atthapali/th_line.php?B=16&A=6778&pagebreak=1#p301
จบการแสดงผล หน้าที่ ๓๐๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]