อรรถกถาเล่มที่ ๑๖ หน้าที่ ๓๑๖-๓๑๗.

หน้าที่ ๓๑๖.

๒. กายสกฺขิสุตฺตวณฺณนา [๔๓] ทุติเย ยถา ยถา จ ตทายตนนฺติ เยน เยน การเณน เยน เยนากาเรน ตํ ปฐมชฺฌานสงฺขาตํ อายตนํ โหติ. ตถา ตถา นํ กาเยน ผุสิตฺวา วิหรตีติ เตน เตน การเณน เตน เตนากาเรน ตํ สมาปตฺตึ สหชาตนามกาเยน ผุสิตฺวา วิหรติ, สมาปชฺชตีติ อตฺโถ. กายสกฺขิ วุตฺโต ภควตา ปริยาเยนาติ ยสฺมา เตน นามกาเยน ปฐมชฺฌานํ สจฺฉิกตํ, ตสฺมา อิมินา ปริยาเยน ^๑- กายสกฺขิ วุตฺโต. นิปฺปปริยาเยนาติ ยตฺตกํ กาเยน สจฺฉิกาตพฺพํ, สพฺพสฺส กตตฺตา อยํ นิปฺปริยาเยน กายสกฺขิ นาม. ๓. ปญฺญาวิมุตฺตสุตฺตวณฺณนา [๔๔] ตติเย ปญฺญาย ปน ^๒- ปชานาตีติ ตํ ปฐมชฺฌานวิปสฺสนาปญฺญาย ชานาติ. อิธาปิ ปริยายนิปฺปริยายตา ^๓- ปุริมนเยเนว เวทิตพฺพา. ยถา จ อิธ, เอวํ อิโต ปเรสุปิ. ๔. อุภโตภาควิมุตฺตสุตฺตวณฺณนา [๔๕] จตุตฺถํ อุภยนเยเนว เวทิตพฺพํ. เอตฺถ จ อุภโตภาควิมุตโตติ อุภโตภาเคหิ สมถวิปสฺสนานํ ปจฺจนีกกิเลเสหิ วิมุตฺโต. ปริโยสาเน ปน สมาปตฺติยา รูปกายโต, อริยมคฺเคน นามกายโต วิมุตฺตตฺตาเยว ^๔- อุภโตภาควิมุตฺโตติ เวทิตพฺโพ. ๕-๑๐. สนฺทิฏฺฐิกธมฺมสุตฺตาทิวณฺณนา [๔๖-๕๑] ปญฺจมาทีสุ สนฺทิฏฺฐิโกติ สามํ ปสฺสิตพฺพโก. นิพฺพานนฺติ กิเลสนิพฺพานํ. ปรินิพฺพานนฺติ ตสฺส ^๕- เววจนํ. ตทงฺคนิพฺพานนฺติ ปฐมชฺฌานาทินา @เชิงอรรถ: ^๑ ม. นเยน ^๒ ฉ.ม. จ นํ @^๓ ฉ.ม. ปริยายนิปฺปริยายา ^๔ ฉ.ม. วิมุตฺโตเยว ^๕ ฉ.ม. ตสฺเสว

--------------------------------------------------------------------------------------------- หน้าที่ ๓๑๗.

เตน เตน องฺเคน นิพฺพานํ. ทิฏฺฐธมฺมนิพฺพานนฺติ อิมสฺมึเยวตฺถภาเว นิพฺพานํ. เสสํ สพฺพตฺถ อุตฺตานตฺถเมวาติ. สามญฺญวคฺโค ปญฺจโม. ทสโม วคฺโค. ปฐมปณฺณาสโก นิฏฺฐโต. ๒. ทุติยปณฺณาสกวณฺณนา [๕๒] อิโต ปเรสุ เขมนฺติ นิรุปทฺทวํ. เขมปฺปตฺโตติ เขมภาวํ ปตฺโต. สิกฺขาทุพฺพลฺยานีติ สิกฺขาย ทุพฺพลภาวการณานิ. ^๑- เสสํ สพฺพตฺถ อุตฺตานตฺถเมวาติ. มโนรถปูรณิยา องฺคุตฺตรนิกายฏฺฐกถาย นวกนิปาตวณฺณนา นิฏฺฐิตา. ------------ @เชิงอรรถ: ^๑ ฉ.ม. ทุพฺพลภาวกรณานิ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๑๖-๓๑๗. http://84000.org/tipitaka/read/attha_page.php?book=16&page=316&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=7117&modeTY=2&pagebreak=1 http://84000.org/tipitaka/atthapali/th_line.php?B=16&A=7117&modeTY=2&pagebreak=1#p316