อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๔๐.

                      ๙. ตติยอนาคตภยสุตฺตวณฺณนา
     [๗๙] นวเม ธมฺมสนฺโทสา วินยสนฺโทโสติ ธมฺมสนฺโทเสน วินยสนฺโทโส
โหติ. กถํ ปน ธมฺมสฺมึ ทุสฺสนฺเต วินโย ทุสฺสติ นาม? สมถวิปสฺสนาธมฺเมสุ
คพฺภํ อคฺคณฺหนฺเตสุ ปญฺจวิโธ วินโย น โหติ, เอวํ ธมฺเม ทุสฺสนฺเต วินโย
ทุสฺสติ. ทุสฺสีลสฺส ปน สํวรวินโย นาม น โหติ, ตสฺมึ อสติ สมถวิปสฺสนา
คพฺภํ น คณฺหาติ. เอวํ วินยสนฺโทเสนปิ ธมฺมสนฺโทโส เวทิตพฺโพ. อภิธมฺมกถนฺติ
สีลาทิอุตฺตมธมฺมกถํ. ๑- เวทลฺลกถนฺติ เวทปฏิสํยุตฺตํ าณมิสฺสกกถํ. กณฺหํ ธมฺมํ
โอกฺกมมานาติ รนฺธคเวสิตาย อุปารมฺภปริเยสนวเสน กาฬกํ กมฺมํ โอกฺกมมานา.
อปิจ ทุฏฺจิตฺเตน ปุคฺคลํ ฆเฏนฺตาปิ ตํ กณฺหํ ธมฺมํ อตฺตโน ทหนฺตาปิ ลาภ-
สกฺการตฺถํ กเถนฺตาปิ กณฺหํ ธมฺมํ โอกฺกมนฺติเยว.
     คมฺภีราติ ปาลิคมฺภีรา. คมฺภีรตฺถาติ อตฺถคมฺภีรา. โลกุตฺตราติ โลกุตฺตร-
ธมฺมทีปกา. สุญฺตาปฏิสํยุตฺตาติ ขนฺธธาตุอายตนปจฺจยาการปฏิสํยุตฺตา. น อญฺา
จิตฺตํ อุปฏฺเปสฺสนฺตีติ ชานนตฺถาย จิตฺตํ น เปสฺสนฺติ. อุคฺคเหตพฺพํ
ปริยาปุณิตพฺพนฺติ อุคฺคเหตพฺเพ จ วฬญฺเชตพฺเพ จ. กวิกตาติ ๒- สิโลกาทิพนฺธนวเสน
กวีหิ กตา. กาเวยฺยาติ ตสฺเสว เววจนํ. พาหิรกาติ สาสนโต พหิทฺธา ิตา.
สาวกภาสิตาติ พาหิรสาวเกหิ ภาสิตา. เสสเมตฺถ เหฏฺา วุตฺตนยตฺตา จ
สุวิญฺเยฺยตฺตา จ อุตฺตานตฺถเมว.
                     ๑๐. จตุตฺถอนาคตภยสุตฺตวณฺณนา
     [๘๐] ทสเม กลฺยาณกามาติ สุนฺทรกามา. รสคฺคานีติ อุตฺตมรสานิ. สํสฏฺา
วิหริสฺสนฺตีติ ปญฺจวิเธน สํสคฺเคน สํสฏฺา วิหริสฺสนฺติ สนฺนิธิการปริโภคนฺติ
สนฺนิธิกตสฺส ปริโภคํ. โอฬาริกํปิ นิมิตฺตนฺติ เอตฺถ ปวึ ขณนฺโตปิ ขณาหีติ
อาณาเปนฺโตปิ ปวิยํ โอฬาริกํ นิมิตฺตํ กโรติ นาม. ติณกฏฺสาขาปลาสํ
@เชิงอรรถ: ๑ สี. อฺตฺตมธมฺมกถํ           ๒ ฉ.ม. กวิตาติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๐.
http://84000.org/tipitaka/read/attha_page.php?book=16&page=40&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=901&pagebreak=1
http://84000.org/tipitaka/atthapali/th_line.php?B=16&A=901&pagebreak=1#p40