ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๔๕.

อวิรชฺฌิตฺวาว เทติ, โน อวญฺญาย วิรชฺฌิตฺวา. มา เม โยคฺคปโถ นสฺสาติ มยา
กตโยคฺคปโถ มยฺหํ มา นสฺสตุ, "เอโก สีโห อุฏฺฐาย พิฬารํ ปหรนฺโต วิรชฺฌิตฺวา
ปหรี"ติ เอวํ วตฺตาโร มา โหนฺตูติ อตฺโถ. อนฺนภารเนสาทานนฺติ เอตฺถ
อนฺนํ วุจฺจติ ยวภตฺตํ, ๑- ตํ ภาโร เอเตสนฺติ อนฺนภารา. ยาจกานํ ๒- เอตํ
นามํ. เนสาทาติ ๓- วุจฺจนฺติ สากุณิกา. อิติ สพฺพปจฺฉิมาย โกฏิยา เอเตสํ
ยาจกเนสาทานมฺปิ สกฺกจฺจเมว เทเสติ.
                       ๑๐.  กกุธเถรสุตฺตวณฺณนา
     [๑๐๐] ทสเม อตฺตภาวปฏิลาโภติ สรีรปฏิลาโภ. เทฺว วา ตีณิ วา
มาคธกานิ คามกฺเขตฺตานีติ เอตฺถ มาคธิกํ คามกฺเขตฺตํ คาวุตํ ๔- อตฺถิ ขุทฺทกํ,
อตฺถิ มชฺฌิมํ, อตฺถิ มหนฺตํ, ขุทฺทกํ คามกฺเขตฺตํ อิโต จตฺตาฬีสํ อุสภานิ, ๕-
อิโต จตฺตาฬีสนฺติ คาวุตํ โหติ, มชฺฌิมํ อิโต คาวุตํ, อิโต คาวุตนฺติ อฑฺฒโยชนํ
โหติ, มหนฺตํ อิโต ทิยฑฺฒคาวุตํ, อิโต ทิยฑฺฒคาวุตนฺติ ติคาวุตํ โหติ. เตสุ
ขุทฺทเกน คามกฺเขตฺเตน ตีณิ, ขุทฺทเกน จ มชฺฌิเมน จ เทฺว คามกฺเขตฺตานิ ตสฺส
อตฺตภาโว. ติคาวุตํ หิสฺส สรีรํ. ปริหริสฺสามีติ ปฏิชคฺคิสฺสามิ โคปยิสฺสามิ.
รกฺขสฺเสตนฺติ รกฺขสฺสุ เอตํ. โมฆปุริโสติ ตุจฺฉปุริโส. นาสฺสสฺสาติ น เอตสฺส
ภเวยฺย. สมุทาจเรยฺยามาติ กเถยฺยาม. สมฺมนฺนตีติ สมฺมานํ กโรติ. ยํ ตุโม
กริสฺสติ ตุโมว เตน ปญฺญายิสฺสตีติ ยํ เอส กริสฺสติ, เอโสว เตน กมฺเมน
ปากโฏ ภวิสฺสติ. เสสํ สพฺพตฺถ อุตฺตานเมวาติ.
                         กกุธวคฺโค ปญฺจโม.
                        ทุติยปณฺณาสโก นิฏฺฐิโต.
                           -----------
@เชิงอรรถ:  สี. ยวสํ   สี. ยาวสิกานํ   ฉ.ม. เนสาทา   ฉ.ม. อยํ ปาโฐ น ทิสฺสติ
@ สี.,ก. อุสภา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๕. http://84000.org/tipitaka/read/attha_page.php?book=16&page=45&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1007&modeTY=2&pagebreak=1 http://84000.org/tipitaka/atthapali/th_line.php?B=16&A=1007&modeTY=2&pagebreak=1#p45


จบการแสดงผล หน้าที่ ๔๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]