ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๕๕.

กุชฺฌิตฺวา "ชานามหํ ตยา กตกมฺมํ, เอตฺตกํ อทฺธานํ อหํ กึ กโรนฺโต วสึ,
นนุ ตุยฺหเมว กตากตํ วีมํสนฺโต"ติอาทีนิ วตฺตา โหติ. อถ อิตโร "อทฺธา โกจิ มยฺหํ
โทโส ภวิสฺสตี"ติ กิญฺจิ ปฏิปฺผริตุํ น สกฺโกติ. ตํ ขิปฺปญฺเญว อธิมุจฺจิโต ๑-
โหตีติ ตํ วณฺณํ วา อวณฺณํ วา สีฆเมว สทฺทหติ. สทฺทหนฏฺเฐน หิ อาทาเนน
เอส อาทิยนมุโขติ วุตฺโต. ๒- อาธียมุโขติ ๓- ปาลิยา ปน ฐปิตมุโขติ อตฺโถ. มคฺเค
ขตอาวาโฏ วิย อาคตาคตํ อุทกํ วณฺณํ วา อวณฺณํ วา สทฺทหนวเสน สมฺปฏิจฺฉิตุํ
ฐปิตมุโขติ วุตฺตํ โหติ.
     อิตฺตรสทฺโธติ ปริตฺตสทฺโธ. กุสลากุสเล ธมฺเม น ชานาตีติอาทีสุ กุสเล
ธมฺเม "อิเม กุสลา"ติ น ชานาติ, อกุสเล ธมฺเม "อิเม อกุสลา"ติ น ชานาติ.
ตถา สาวชฺเช สโทสธมฺเม "อิเม สาวชฺชา"ติ, อนวชฺเช จ นิทฺโทสธมฺเม
"อิเม อนวชฺชา"ติ, หีเน หีนาติ, ปณีเต ปณีตาติ. กณฺหสุกฺกสปฺปฏิภาเคติ
"อิเม กณฺหา สุกฺเก ปฏิพาหิตฺวา ๔- ฐิตตฺตา สปฺปฏิภาคา นาม, อิเม จ สุกฺกา
กเณฺห ปฏิพาหิตฺวา ฐิตตฺตา สปฺปฏิภาคา"ติ น ชานาติ.
                        ๒. อารภติสุตฺตวณฺณนา
     [๑๔๒] ทุติเย อารภติ จ วิปฺปฏิสารี จ โหตีติ อาปตฺติวีติกฺกมวเสน อารภติ เจว,
ตปฺปจฺจยา จ วิปฺปฏิสารี โหติ. เจโตวิมุตฺตึ ปญฺญาวิมุตฺตินฺติ อรหตฺตสมาธิญฺเจว
อรหตฺตผลญาณญฺจ. นปฺปชานาตีติ อนธิคตตฺตา น ชานาติ. อารภติ น วิปฺปฏิสารี
โหตีติ อาปตฺตึ อาปชฺชติ, วุฏฺฐิตตฺตา ปน น วิปฺปฏิสารี โหติ. น อารภติ
วิปฺปฏิสารี โหตีติ สกึ อาปตฺตึ อาปชฺชิตฺวา ตโต วุฏฺฐาย ปจฺฉา กิญฺจาปิ
นาปชฺชติ, วิปฺปฏิสารํ ปน วิโนเทตุํ น สกฺโกติ. น อารภติ น วิปฺปฏิสารี โหตีติ
น เจว อาปตฺตึ อาปชฺชติ,  น จ วิปฺปฏิสารี โหติ. ตญฺจ
@เชิงอรรถ:  ฉ.ม. อธิมุจฺจิตา   สี. อาทิยฺยมุโขติ วุตฺโต, ม. อาทิยนมุโขติ อตฺโถ
@ ฉ.ม. อาเธยฺยมุโขติ   ฉ.ม. ปฏิพาเหตฺวา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๕๕. http://84000.org/tipitaka/read/attha_page.php?book=16&page=55&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1226&modeTY=2&pagebreak=1 http://84000.org/tipitaka/atthapali/th_line.php?B=16&A=1226&modeTY=2&pagebreak=1#p55


จบการแสดงผล หน้าที่ ๕๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]