บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๗๑.
๑๙. ๔. อรญฺญวคฺค ๑. อารญฺญิกสุตฺตวณฺณนา [๑๘๑] จตุตฺถสฺส ปฐเม มนฺทตฺตา โมมูหตฺตาติ เนว สมาทานํ ชานาติ, น อานิสํสํ. อตฺตโน ปน มนฺทตฺตา โมมูหตฺตา อญฺญาเณเนว อารญฺญโก โหติ. ปาปิจฺโฉ อิจฺฉาปกโตติ "อรญฺเญ เม วิหรนฺตสฺส `อยํ อารญฺญโก'ติ จตุปจฺจเยน สกฺการํ กริสฺสนฺติ, `อยํ ภิกฺขุ ลชฺชี ปวิวิตฺโต'ติอาทีหิ จ คุเณหิ สมฺภาวิสฺสนฺตี"ติ ๑- เอวํ ปาปิกาย อิจฺฉาย ฐตฺวา ตายเอว อิจฺฉาย อภิภูโต หุตฺวา อารญฺญโก โหติ. อุมฺมาทวเสน อรญฺญํ ปวิสิตฺวา วิหรนฺโต ปน อุมฺมาทา จิตฺตกฺเขปา อารญฺญโก นาม โหติ. วณฺณิตนฺติ อิทํ อารญฺญกงฺคํ นาม พุทฺเธหิ จ พุทฺธสาวเกหิ จ วณฺณิตํ ปสตฺถนฺติ อารญฺญโก โหติ. อิทมตฺถิตนฺติ อิมาย กลฺยาณาย ปฏิปตฺติยา อตฺโถ เอตสฺสาติ อิทมตฺถิ, อิทมตฺถิโน ภาโว อิทมตฺถิตา. ตํ อิทมตฺถิตํเยว นิสฺสาย, น อญฺญํ กิญฺจิ โลกามิสนฺติ อตฺโถ. เสสเมตฺถ อิโต ปเรสุ จ อุตฺตานตฺถเมวาติ. ๒- อรญฺญวคฺโค จตุตฺโถ. --------------- ๒๐. ๕. พฺราหฺมณวคฺค ๑. โสณสุตฺตวณฺณนา [๑๙๑] ปญฺจมสฺส ปฐเม พฺราหฺมณธมฺมาติ พฺราหฺมณสภาวา. สุนเขสูติ กุกฺกุเรสุ. เนว กิณนฺติ น วิกฺกิณนฺตีติ น คณฺหนฺตา กิณนฺติ, น ททนฺตา วิกฺกิณนฺติ. สมฺปิเยเนว สํวาสํ สมฺพนฺธาย ๓- สมฺปวตฺเตนฺตีติ ปิยา ปิยํ @เชิงอรรถ: ๑ ฉ.ม. สมฺภาเวสฺสนฺตีติ ๒ ฉ.ม. อุตฺตานตฺถเมว ๓ สี. สํสคฺคตฺถายเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๗๑. http://84000.org/tipitaka/read/attha_page.php?book=16&page=71&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1580&modeTY=2&pagebreak=1 http://84000.org/tipitaka/atthapali/th_line.php?B=16&A=1580&modeTY=2&pagebreak=1#p71
จบการแสดงผล หน้าที่ ๗๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]