บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๘๗.
วินาเสตฺวา ปวตฺเตน. สรกุตฺติมฺปิ นิกามยมานสฺสาติ เอวํ คีตสฺสโร กาตพฺโพติ สรกิริยํ ปฏฺฐยมานสฺส. สมาธิสฺส ภงฺโค โหตีติ สมถวิปสฺสนาจิตฺตสฺส วินาโส โหติ. ๑๐. มุฏฺฐสฺสติสุตฺตวณฺณนา [๒๑๐] ทสเม ทุกฺขํ สุปตีติ นานาวิธํ สุปินํ ปสฺสนฺโต ทุกฺขํ สุปติ. ทุกฺขํ ปฏิพุชฺฌตีติ ปฏิพุชฺฌนฺโตปิ อุตฺตสิตฺวา สโลมหํโส ปฏิพุชฺฌติ. อิมสฺมึ สุตฺเต สติสมฺปชญฺญํ มิสฺสกํ กถิตํ. กิมฺพิลวคฺโค ปฐโม. ---------------- ๒๒. ๒. อกฺโกสกวคฺค ๑. อกฺโกสกสุตฺตวณฺณนา [๒๑๑] ทุติยสฺส ปฐเม อกฺโกสกปริภาสโกติ ทสหิ อกฺโกสวตฺถูหิ อกฺโกสโก, ภยทสฺสเนน ปริภาสโก. ฉินฺนปริปนฺโถติ โลกุตฺตรปปญฺจสฺส ๑- ฉินฺนตฺตา ฉินฺนปริปนฺโถ. โรคาตงฺกนฺติ โรโคเยว กิจฺฉาชีวิกาวหนโต ๒- โรคาตงฺโก นาม. ๒. ภณฺฑนการกสุตฺตวณฺณนา [๒๑๒] ทุติเย อธิกรณการโกติ จตุนฺนํ อธิกรณานํ อญฺญตรสฺส การโก. อนธิคตนฺติ ปุพฺเพ อปฺปตฺตวิเสสํ. ๓. สีลสุตฺตวณฺณนา [๒๑๓] ตติเย ทุสฺสีโลติ อสีโล นิสฺสีโล. สีลวิปนฺโนติ วิปนฺนสีโล @เชิงอรรถ: ๑ ม. ฉินฺนปริพนฺโธติ โลกุตฺตรปริพนฺธสฺส, ฉ. ฉินฺนปริปนฺโถติ @โลกุตฺตรปริปนฺถสฺส ๒ ฉ.ม. กิจฺฉชีวิกายาวหนโตเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๘๗. http://84000.org/tipitaka/read/attha_page.php?book=16&page=87&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1941&modeTY=2&pagebreak=1 http://84000.org/tipitaka/atthapali/th_line.php?B=16&A=1941&modeTY=2&pagebreak=1#p87
จบการแสดงผล หน้าที่ ๘๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]