อรรถกถาเล่มที่ ๑๖ หน้าที่ ๙๑.

เตสํ เตสํ สิกฺขาปทานํ วเสน เวทิตพฺพานิ. ฉฏฺเฐ อติเวลนฺติ อติกฺกนฺตปฺ- ปมาณกาลํ. สตฺตมํ อุตฺตานตฺถเมว. ๘. อุสฺสูรภตฺตสุตฺตวณฺณนา [๒๒๘] อฏฺฐเม อุสฺสูรภตฺเตติ อติทิวาปจนภตฺเต. น กาเลน ปฏิปูเชนฺตีติ ยาคุกาเล ยาคุํ, ขชฺชกกาเล ขชฺชกํ, โภชนกาเล โภชนํ อปจนฺตา ยุตฺตปฺปยุตฺต- กาลสฺส อตินามิตตฺตา น กาเลน ปฏิปูเชนฺติ, อตฺตโน จิตฺเตเนว เทนฺติ นาม. ตโต เตปิ เตสุ อตฺตโน เคหํ อาคเตสุ ตเถว กโรนฺติ. กุลปฺปเวณิยา อาคตา พลิปฏิคฺคาหิกา เทวตาปิ ยุตฺตปฺปยุตฺตกาเลน ลาภํ ลภมานาเยว รกฺขนฺติ โคปยนฺติ ปีฬํ อกตฺวา. อกาเล ลภมานา ปน "อิเม อเมฺหสุ อนาทรา"ติ อารกฺขํ น กโรนฺติ. สมณพฺราหฺมณาปิ "เอเตสํ เคเห โภชนเวลาย โภชนํ น โหติ, ฐิตมชฺฌนฺติเก เทนฺตี"ติ มงฺคลามงฺคเลสุ กาตพฺพํ น กโรนฺติ. วิมุขา กมฺมํ กโรนฺตีติ "ปาโต กิญฺจิ น ลภาม, ขุทฺทาย ปฏิปีฬิตา กมฺมํ กาตุํ น สกฺโกมา"ติ กมฺมํ วิสฺสชฺเชตฺวา นิสีทนฺติ. อโนชวนฺตํ โหตีติ อกาลภุตฺตํ โอชํ ผริตุํ ^๑- น สกฺโกติ. สุกฺกปกฺโข วุตฺตวิปลฺลาเสน เวทิตพฺโพ. ๙. ปฐมกณฺหสปฺปสุตฺตวณฺณนา [๒๒๙] นวเม สภีรูติ สนิทฺโท มหานิทฺทํ นิทฺทายติ. สปฺปฏิภโยติ ตํ นิสฺสาย ภยํ อุปฺปชฺชติ, ตสฺมา สปฺปฏิภโย. มิตฺตทุพฺภีติ ปานโภชนทายกมฺปิ มิตฺตํ ทุพฺภติ ^๒- หึสติ. มาตุคาเมปิ เอเสว นโย. ๑๐. ทุติยกณฺหสปฺปสุตฺตวณฺณนา [๒๓๐] ทสเม โฆรวิโสติ กกฺขฬวิโส. ทุชิโวฺหติ ทฺวิธา ภินฺนชิโวฺห. @เชิงอรรถ: ^๒ ฉ.ม. หริตุํ ^๓ สี. ทุภติ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๙๑. http://84000.org/tipitaka/read/attha_page.php?book=16&page=91&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2028&modeTY=2&pagebreak=1 http://84000.org/tipitaka/atthapali/th_line.php?B=16&A=2028&modeTY=2&pagebreak=1#p91