อรรถกถาเล่มที่ ๑๙ ภาษาบาลี อักษรไทย
ธ.อ.๒ อปฺปมาท-จิตฺตวคฺค
หน้าที่ ๘๘.

จูฬปนฺถโก จตูหิ มาเสหิ จตุปฺปทํ คาถํ คเหตุํ อสกฺโกนฺโตปิ
วิริยํ อโนสฺสชฺชิตฺวา อรหตฺเต ปติฏฺิโต, อิทานิ โลกุตฺตรธมฺมกุฏุมฺพสฺส
สามิโก ชาโตติ. สตฺถา อาคนฺตฺวา "กาย นุตฺถ ภิกฺขเว
เอตรหิ กถาย สนฺนิสินฺนาติ ปุจฺฉิตฺวา, "อิมาย นามาติ วุตฺเต,
"ภิกฺขเว มม สาสเน อารทฺธวิริโย ภิกฺขุ โลกุตฺตรธมฺมสฺส สามิโก
โหติเยวาติ วตฺวา อิมํ คาถมาห
          "อุฏฺาเนนปฺปมาเทน    สญฺเมน ทเมน จ
           ทีปํ กยิราถ เมธาวี,   ยํ โอโฆ นาภิกีรตีติ.
     ตตฺถ ทีปํ กยิราถาติ; "วิริยสงฺขาเตน อุฏฺาเนน สติยา
อวิปฺปวาสสงฺขาเตน อปฺปมาเทน จตุปาริสุทฺธิสีลสงฺขาเตน สญฺเมน
อินฺทฺริยทมเนน จาติ อิเมหิ การณภูเตหิ จตูหิ  ธมฺเมหิ
ธมฺโมชปญฺาย สมนฺนาคโต เมธาวี อิมสฺมึ อติทุลฺลภปติฏฺตาย อติคมฺภีเร
สํสารสาคเร อตฺตโน ปติฏฺานภูตํ อรหตฺตผลทีปํ กยิราถ กเรยฺย
กาตุํ สกฺกุเณยฺยาติ อตฺโถ. กีทิสํ? ยํ โอโฆ นาภิกีรตีติ: ยํ
จตุพฺพิโธปิ กิเลโสโฆ อภิกีริตุํ วิทฺธํเสตุํ น สกฺโกติ; น หิ
สกฺกา อรหตฺตํ โอเฆน วิกีริตุนฺติ.
     คาถาวสาเน พหู โสตาปนฺนาทโย อเหสุํ, เอวํ เทสนา
สมฺปตฺตปริสาย สาตฺถิกา ชาตาติ.
                    จูฬปนฺถกตฺเถรวตฺถุ.
                     -------------


เนื้อความอรรถกถาฉบับภาษาบาลี อักษรไทย เล่มที่ ๑๙ หน้าที่ ๘๘.
http://84000.org/tipitaka/read/attha_page.php?book=19&page=88&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=19&A=1825&pagebreak=1
http://84000.org/tipitaka/atthapali/th_line.php?B=19&A=1825&pagebreak=1#p88