อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๔๕๑-๔๕๒.

หน้าที่ ๔๕๑.
รเสน กโต ฯ มธุวาสโว นาม มุทฺทิกาทีนํ ชาติรเสน กโต ฯ
มกฺขิกามธุนาปิ กริยตีติ วทนฺติ ฯ คุฬาสโว นาม อุจฺฉุรสาทีหิ
กริยติ ฯ สุรา นาม ปิฏฺกิณฺณปกฺขิตฺตา นาฬิเกราทีนํปิ รเสน กตา
สุราเตฺวว สงฺขฺยํ คจฺฉติ ฯ ตสฺสาเยว กิณฺณปกฺขิตฺตาย มณฺเฑ
คหิเต เมรโยเตฺวว สงฺขฺยํ คจฺฉตีติ วทนฺติ ฯ อนฺตมโส กุสคฺเคนปิ
ปิวตีติ เอตํ สุรํ วา เมรยํ วา พีชโต ปฏฺาย กุสคฺเคนปิ ปิวโต
ปาจิตฺติยนฺติ อตฺโถ ฯ เอเกน ปน ปโยเคน พหุํปิ ปิวนฺตสฺส
เอกาว อาปตฺติ ฯ วิจฺฉินฺทิตฺวา วิจฺฉินฺทิตฺวา ปิวโต ปโยคคฺณนาย
อาปตฺติโย ฯ {๓๒๙} อมชฺชญฺจ โหติ มชฺชวณฺณํ มชฺชคนฺธํ มชฺชรสนฺติ
โลณโสจิรกํ วา สุรตฺตํ วา โหติ ฯ สูปสํปาเกติ วาสคาหาปนตฺถํ
อีสกํ มชฺชํ ปกฺขิปิตฺวา สูปํ ปจนฺติ ตสฺมึ อนาปตฺติ ฯ มํสสํปาเกปิ
เอเสว นโย ฯ เตลํ ปน วาตเภสชฺชตฺถํปิ มชฺเชน สทฺธึ ปจนฺติ
ตสฺมึปิ อนติกฺขิตฺตมชฺเชเยว อนาปตฺติ ฯ ยํ ปน อติกฺขิตฺตมชฺชํ
โหติ ยตฺถ มชฺชสฺส วณฺณคนฺธรสา ปญฺายนฺติ ตสฺมึ
อาปตฺติเยว ฯ อมชฺชํ อริฏฺนฺติ โย อริฏฺโ มชฺชํ น โหติ ตสฺมึ
อนาปตฺติ ฯ อามลกาทีนํเยว กิร รเสน อริฏฺ กโรนฺติ ฯ โส
มชฺชวณฺณคนฺธรโส เจว โหติ น จ มชฺชํ ฯ ตํ สนฺธาเยตํ
วุตฺตํ ฯ โย ปน สมฺภารปกฺขิตฺโต โส มชฺชํ โหติ พีชโต
ปฏฺาย น วฏฺฏติ ฯ เสสเมตฺถ อุตฺตานเมว ฯ เอฬกโลมสมุฏฺานํ
กิริยา โนสญฺาวิโมกฺขํ อจิตฺตกํ โลกวชฺชํ กายกมฺมํ อกุสลจิตฺตํ
ติเวทนนฺติ ฯ วตฺถุสฺส อชานนตาย เจตฺถ อจิตฺตกตา เวทิตพฺพา ฯ
---------------------------------------------------------------------------------------------
หน้าที่ ๔๕๒.
อกุสเลเนว ปาตพฺพตาย โลกวชฺชตาติ ฯ
                  สุราปานสิกฺขาปทํ ปมํ ฯ
     {๓๓๐} ทุติยสิกฺขาปเท ฯ องฺคุลีปโฏทเกติ องฺคุลีหิ อุปกจฺฉาทิฆฏฺฏนํ
วุจฺจติ ฯ อุตฺตสนฺโตติ อติหาเสน กิลมนฺโต ฯ อนสฺสาสโกติ
อุปจฺฉินฺนอสฺสาสปฺปสฺสาสสญฺจาโร หุตฺวา ฯ อนุปสมฺปนฺนํ กาเยน
กายนฺติ เอตฺถ ภิกฺขุนีปิ อนุปสมฺปนฺนฏฺาเน ิตา ฯ ตํปิ
ขิฑฺฑาธิปฺปาเยน ผุสนฺตสฺส ทุกฺกฏํ ฯ เสสเมตฺถ อุตฺตานเมว ฯ
     ปมปาราชิกสมุฏฺานํ กิริยา สญฺาวิโมกฺขํ สจิตฺตกํ โลกวชฺชํ
กายกมฺมํ อกุสลจิตฺตํ ทฺวิเวทนนฺติ ฯ
                 องฺคุลีปโฏทกสิกฺขาปทํ ทุติยํ ฯ
     {๓๓๕} ตติยสิกฺขาปเท ฯ อปฺปกตญฺุโนติ ยํ ภควตา ปกตํ ปญฺตฺตํ
ตํ น ชานนฺตีติ อตฺโถ ฯ {๓๓๖} อุทเก หสฺสธมฺโมติ อุทกกีฬิกา
วุจฺจติ ฯ อุปริโคปฺผเกติ โคปฺผกานํ อุปริภาคปฺปมาเณ ฯ
หสฺสาธิปฺปาโยติ กีฬาธิปฺปาโย ฯ นิมุชฺชติ วาติ อาทีสุ นิมุชฺชนตฺถาย
โอโรหนฺตสฺส ปทวาเร ปทวาเร ทุกฺกฏํ ฯ นิมุชฺชนุมฺมุชฺชเนสุ
ปโยเค ปโยเค ปาจิตฺติยํ ฯ นิมุชฺชิตฺวา อนฺโตอุทเกเยว คจฺฉนฺตสฺส
หตฺถวารปทวาเรสุ สพฺพตฺถ ปาจิตฺติยํ ฯ ปลวตีติ ตรติ ฯ
หตฺเถหิ ตรนฺตสฺส หตฺถวาเร หตฺถวาเร ปาจิตฺติยํ ฯ ปาเทสุปิ
เอเสว นโย ฯ เยน เยน องฺเคน ตรติ ตสฺส ตสฺส ปโยเค
ปโยเค ปาจิตฺติยํ ฯ ตีรโต วา รุกฺขโต วา อุทเก ปตติ
ปาจิตฺติยเมว ฯ นาวาย กีฬตีติ ผิยาริตฺตาทีหิ นาวํ ปาเชนฺโต วา


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๕๑-๔๕๒.
http://84000.org/tipitaka/read/attha_page.php?book=2&page=451&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=9512&pagebreak=1
http://84000.org/tipitaka/atthapali/th_line.php?B=2&A=9512&pagebreak=1#p451