อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๔๕๔-๔๕๕.

หน้าที่ ๔๕๔.
กายจิตฺตโต วาจาจิตฺตโต กายวาจาจิตฺตโต จ สมุฏฺาติ กิริยา
สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ
ทุกฺขเวทนนฺติ ฯ
                  อนาทริยสิกฺขาปทํ จตุตฺถํ ฯ
     {๓๔๕} ปญฺจมสิกฺขาปเท รูปูปหาราทโย มนุสฺสวิคฺคเห วุตฺตนเยเนว
เวทิตพฺพา ฯ เสสํ อุตฺตานเมว ฯ สมุฏฺานาทีนิ อนาทริยสทิสาเนวาติ ฯ
                  ภึสาปนสิกฺขาปทํ ปญฺจมํ ฯ
     {๓๕๐} ฉฏฺสิกฺขาปเท ฯ ภคฺคาติ ชนปทสฺเสตํ นามํ ฯ สุํสุมารคีรนฺติ
นครสฺส นามํ ฯ เภสกลาวนนฺติ ตนฺนิสฺสิตวนสฺส นามํ ฯ
ตํ ปน มิคานํ ผาสุวิหารตฺถาย ทินฺนตฺตา มิคทายาติ วุจฺจติ ฯ
สมาทหิตฺวาติ ชาเลตฺวา ฯ ปริปาเตสีติ อนุพนฺธิ ฯ {๓๕๔-๓๕๕} สยํ สมาทหตีติ
เอตฺถ โชตึ สมาทหิตุกามตาย อรณีสณฺปนโต ปฏฺาย ยาว
ชาลา น อุฏฺหติ ตาว สพฺพปโยเคสุ ทุกฺกฏํ ฯ {๓๕๒} ปทีเปปีติ
ปทีปุชฺชลเนปิ ฯ โชติเกปีติ ปตฺตปจนเสทกมฺมาทีสุ โชติกรเณ ฯ
ตถารูปปจฺจยาติ ปทีปาทิปจฺจยา ฯ ปฏิลาตํ อุกฺขิปตีติ ฑยฺหมานํ
อลาตํ ปตติ ตํ อุกฺขิปติ ปุน ยถาาเน เปตีติ อตฺโถ ฯ เอวํ
อวิชฺฌาตํ อุกฺขิปิตฺวา ปกฺขิปนฺตสฺเสว ทุกฺกฏํ ฯ วิชฺฌาตํ ปน
ชาลาเปนฺตสฺส ปาจิตฺติยเมว ฯ {๓๕๖} ตถารูปปจฺจยาติ เปตฺวา ปทีปาทีนิ
อญฺเนปิ ตถารูเปน ปจฺจเยน สมาทหนฺตสฺส อนาปตฺติ ฯ
อาปทาสูติ สปฺปทฏฺโจรรุทฺธพาฬมิคอมนุสฺเสหิ อุปทฺทโว โหติ
---------------------------------------------------------------------------------------------
หน้าที่ ๔๕๕.
ตตฺถ สมาทหนฺตสฺสาปิ อนาปตฺติ ฯ เสสํ อุตฺตานเมว ฯ
ฉสฺสมุฏฺานํ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ
กายกมฺมํ วจีกมฺมํ ติจิตฺตํ ติเวทนนฺติ ฯ
                 โชติสมาทหนสิกฺขาปทํ ฉฏฺ ฯ
     {๓๖๔} สตฺตมสิกฺขาปเท ฯ จุณฺเณน วา มตฺติกาย วาติ เอตฺถ
จุณฺณมตฺติกานํ อภิสงฺขรณกาลโต ปฏฺาย สพฺพปโยเคสุ ทุกฺกฏํ ฯ
     {๓๖๖} ปารํ คจฺฉนฺโต นหายตีติ เอตฺถ สุกฺขาย นทิยา วาลุกํ อุกฺกีริตฺวา
กตอาวาเฏสุปิ นหายิตุํ วฏฺฏติ ฯ อาปทาสูติ ภมราทีทิ อนุพทฺธสฺส
อุทเก นิมุชฺชิตุํ วฏฺฏตีติ ฯ เสสเมตฺถ อุตฺตานเมวาติ ฯ
เอฬกโลมสมุฏฺานํ กิริยา โนสญฺาวิโมกฺขํ อจิตฺตกํ
ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ
                   นหานสิกฺขาปทํ สตฺตมํ ฯ
     {๓๖๘-๓๖๙} อฏฺมสิกฺขาปเท ฯ นวํ ปน ภิกฺขุนา จีวรลาเภนาติ เอตฺถ
อลภีติ ลโภ ลโภเอว ลาโภ ฯ กึ อลภิ ฯ จีวรํ ฯ กีทิสํ ฯ นวํ ฯ
อิติ นวจีวรลาเภนาติ วตฺตพฺเพ อนุนาสิกโลปํ อกตฺวา นวํ
จีวรลาเภนาติ วุตฺตํ ฯ ปฏิลทฺธนวจีวเรนาติ อตฺโถ ฯ มชฺเฌ
ิตปททฺวเย ปนาติ นิปาโต ฯ ภิกฺขุนาติ เยน ลทฺธํ ตสฺส นิทสฺสนํ ฯ
ปทภาชเน ปน พฺยญฺชนํ อนาทิยิตฺวา ยํ ลทฺธํ ตํ ทสฺเสตุํ จีวรํ
นาม ฉนฺนํ จีวรานนฺติอาทิ วุตฺตํ ฯ จีวรนฺติ เจตฺถ ยํ นิวาเสตุํ
วา ปารุปิตุํ วา สกฺกา โหติ ตเทว เวทิตพฺพํ ฯ เตเนว
วิกปฺปนูปคํ ปจฺฉิมนฺติ น วุตฺตํ ฯ กํสนีลนฺติ จมฺมการนีลํ ฯ


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๕๔-๔๕๕.
http://84000.org/tipitaka/read/attha_page.php?book=2&page=454&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=9575&pagebreak=1
http://84000.org/tipitaka/atthapali/th_line.php?B=2&A=9575&pagebreak=1#p454