อรรถกถาเล่มที่ ๒๑ ภาษาบาลี อักษรไทย
ธ.อ.๔ ปณฺฑิต-สหสฺสวคฺค
หน้าที่ ๑๑๐.

      ตตฺถ "สหสฺเสนาติ: สหสฺสปริจฺจาเคน. โย ยเชถ สตํ
สมนฺติ: โย วสฺสสตํ มาเส มาเส สหสฺสํ ปริจฺจชนฺโต
โลกิยมหาชนสฺส ทานํ ทเทยฺย. เอกญฺจ ภาวิตตฺตานนฺติ: โย
จ เอกํ คุณวเสน วฑฺฒิตอตฺตานํ เหฏฺิมโกฏิยา โสตาปนฺนํ
อุปริมโกฏิยา ขีณาสวํ ฆรทฺวาเร สมฺปตฺตํ   กฏจฺฉุภิกฺขาทานวเสน
วา ยาปนมตฺตาหารทานวเสน วา ถูลสาฏกทานมตฺเตน วา
ปูเชยฺย, ยํ อิตเรน วสฺสสตํ หุตํ, ตโต สาเยว ปูชนา เสยฺโย
เสฏฺา อุตฺตมาติ อตฺโถ.
      เทสนาวสาเน โส พฺราหฺมโณ โสตาปตฺติผลํ ปตฺโต. อญฺเปิ
      พหู โสตาปตฺติผลาทีนิ ปาปุณึสูติ.
              สารีปุตฺตตฺเถรสฺส มาตุลพฺราหฺมณวตฺถุ.
                      ----------
        ๖. สารีปุตฺตตฺเถรสฺส ภาคิเนยฺยพฺราหฺมณวตฺถุ. (๘๖)
      "โย จ วสฺสสตํ ชนฺตูติ อิมํ ธมฺมเทสนํ สตฺถา เวฬุวเน
วิหรนฺโต สารีปุตฺตตฺเถรสฺส ภาคิเนยฺยํ อารพฺภ กเถสิ.
      ตํปิ หิ เถโร อุปสงฺกมิตฺวา อาห "กึ พฺราหฺมณ กุสลํ
กโรสีติ. "อาม ภนฺเตติ. "กึ กโรสีติ. "มาเส มาเส เอกํ ปสุํ
วธิตฺวา อคฺคึ ปริจรามีติ. "กิมตฺถํ เอวํ กโรสีติ. "พฺรหฺมโลกมคฺโค
กิเรโสติ. "เกเนวํ กถิตนฺติ. "อาจริเยหิ เม ภนฺเตติ. "เนว ตฺวํ
พฺรหฺมโลกมคฺคํ ชานาสิ,  นปิ เต อาจริยา; เอหิ สตฺถุ สนฺติกํ


เนื้อความอรรถกถาฉบับภาษาบาลี อักษรไทย เล่มที่ ๒๑ หน้าที่ ๑๑๐.
http://84000.org/tipitaka/read/attha_page.php?book=21&page=110&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=21&A=2261&pagebreak=1
http://84000.org/tipitaka/atthapali/th_line.php?B=21&A=2261&pagebreak=1#p110