บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒๕ ภาษาบาลี อักษรไทย ธ.อ.๘ ตณฺหา-พฺราหฺมณ หน้าที่ ๑๐๔.
"ปาปิม กึ ตว ปาเรน, ตํ วีตราเคหิ ปตฺตพฺพนฺติ วตฺวา อิมํ คาถมาห "ยสฺส ปารํ อปารํ วา ปาราปารํ น วิชฺชติ, วีตทฺทรํ วิสํยุตฺตํ ตมหํ พฺรูมิ พฺราหฺมณนฺติ ตตฺถ "ปารนฺติ: อชฺฌตฺติกานิ ฉ อายตนานิ. อปารนฺติ: พาหิรานิ ฉ อายตนานิ. ปาราปารนฺติ: ตทุภยํ. น วิชฺชตีติ: ยสฺส สพฺพเมตํ `อหนฺติ วา `มมนฺติ วา คหณาภาเวน นตฺถิ, ตํ กิเลสทรานํ ๑- วิคเมน วีตทฺทรํ สพฺพกฺกิเลเสหิ วิสํยุตฺตํ อหํ พฺราหฺมณํ วทามีติ อตฺโถ. เทสนาวสาเน พหู โสตาปตฺติผลาทีนิ ปาปุณึสูติ. มารวตฺถุ. ------- ๔. อญฺญตรพฺราหฺมณวตฺถุ. (๒๖๗) "ฌายินฺติ อิมํ ธมฺมเทสนํ สตฺถา เชตวเน วิหรนฺโต อญฺญตรํ พฺราหฺมณํ อารพฺภ กเถสิ. โส กิร จินฺเตสิ "สตฺถา อตฺตโน สาวเก `พฺราหฺมณาติ วทติ, อหญฺจมฺหิ ชาติโคตฺเตน พฺราหฺมโณ, มํปิ โข เอวํ วตฺตุํ วฏฺฏตีติ. โส สตฺถารํ อุปสงฺกมิตฺวา ตมตฺถํ ปุจฺฉิ. สตฺถา "นาหํ @เชิงอรรถ: ๑. ม. ยุ. กิเลสทรถานํ. สี. สํกิเลสทรถานํ.เนื้อความอรรถกถาฉบับภาษาบาลี อักษรไทย เล่มที่ ๒๕ หน้าที่ ๑๐๔. http://84000.org/tipitaka/read/attha_page.php?book=25&page=104&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=25&A=2075&modeTY=2&pagebreak=1 http://84000.org/tipitaka/atthapali/th_line.php?B=25&A=2075&modeTY=2&pagebreak=1#p104
จบการแสดงผล หน้าที่ ๑๐๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]