อรรถกถาเล่มที่ ๒๖ หน้าที่ ๒๑๖.

อาชีวํ วิชานาติ. โก กึ สิปฺปํ สิกฺขีติ โก ทีฆรตฺตํ สิปฺปาจริยกุลํ ปยิรุปาสิตฺวา อาคมโต ปโยคโต จ หตฺถิสิปฺปาทีสุ กึ สิปฺปํ สิกฺขิ. กตรํ สิปฺปํ สิปฺปานํ อคฺคนฺติ สพฺพสิปฺปานํ อคารยฺหตาย มหปฺผลตาย อกิจฺฉสิทฺธิยา ^๑- จ กตรํ สิปฺปํ อคฺคํ อุตฺตมํ, ยํ นิสฺสาย สุเขน สกฺกา ชีวิตุนฺติ อธิปฺปาโย. ตตฺเถกจฺเจติ เตสุ ภิกฺขูสุ เอกจฺเจ ภิกฺขู. เย หตฺถาจริยกุลา ปพฺพชิตา, เต. เอวมาหํสูติ เต เอวํ ภณึสุ. อิโต ปรมฺปิ "เอกจฺเจ"ติ วุตฺตฏฺาเน เอเสว นโย. หตฺถิสิปฺปนฺติ ยํ หตฺถีนํ ปริคฺคณฺหณทมนสารณโรคติกิจฺฉาทิเภทํ กตฺตพฺพํ, ตํ อุทฺทิสฺส ปวตฺตํ สพฺพมฺปิ สิปฺปํ อิธ "หตฺถิสิปฺปนฺ"ติ อธิปฺเปตํ. อสฺสสิปฺปนฺติ เอตฺถาปิ เอเสว นโย. รถสิปฺปํ ปน รถโยคฺคานํ ทมนสารณาทิวิธานวเสน เจว รถสฺส กรณวเสน จ เวทิตพฺพํ. ธนุสิปฺปนฺติ อิสฺสาสสิปฺปํ, โย ธนุพฺเพโธติ วุจฺจติ. ถรุสิปฺปนฺติ เสสอาวุธสิปฺปํ. มุทฺทาสิปฺปนฺติ หตฺถมุทฺทาย คณนาสิปฺปํ. คณนาสิปฺปนฺติ อจฺฉิทฺทกคณนาสิปฺปํ. ^๒- สงฺขานสิปฺปนฺติ สงฺกลนปฏุปฺปาทนาทิวเสน ปิณฺฑคณนาสิปฺปํ. ตํ ยสฺส ปคุณํ โหติ, โส รุกฺขมฺปิ ทิสฺวา เอตฺตกานิ เอตฺถ ปณฺณานี"ติ ภณิตุํ ชานาติ. เลขาสิปฺปนฺติ นานากาเรหิ อกฺขรลิขนสิปฺปํ, ลิปิญฺาณํ วา. กาเวยฺยสิปฺปนฺติ อตฺตโน จินฺตาวเสน วา ปรโต ปฏิลทฺธมุตวเสน วา, "อิมสฺส อยมตฺโถ, เอวํ นํ โยเชสฺสามี"ติ เอวํ อตฺตวเสน วา, กิญฺจิเทว กพฺพํ ทิสฺวา "ตปฺปฏิภาคํ กพฺพํ กริสฺสามี"ติ านุปฺปตฺติกปฏิภานวเสน วา จินฺตากวิอาทีนํ จตุนฺนํ กวีนํ กพฺพกรณสิปฺปํ. วุตฺตเญฺหตํ ภควตา:- "จตฺตาโรเม ภิกฺขเว กวี จินฺตากวิ สุตกวิ อตฺถกวิ ปฏิภานกวี"ติ. ^๓- โลกายตสิปฺปนฺติ "กาโก เสโต อฏฺีนํ เสตตฺตา, พลากา รตฺตา โลหิตสฺส รตฺตตฺตา"ติ เอวมาทินยปฺปวตฺตํ ปรโลกนิพฺพานานํ ปฏิเสธกํ วิตณฺฑสตฺถสิปฺปํ. @เชิงอรรถ: ^๑ ม. กิจฺจสิทฺธิยา ^๒ ม. อจฺฉินฺทกคณนสิปฺปํ @^๓ อง. จตุกฺก. ๒๑/๒๓๑/๒๕๗

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๒๑๖. http://84000.org/tipitaka/read/attha_page.php?book=26&page=216&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=4838&pagebreak=1 http://84000.org/tipitaka/atthapali/th_line.php?B=26&A=4838&pagebreak=1#p216