อรรถกถาเล่มที่ ๒๗ หน้าที่ ๒๓๒.

๒. ทุติยวคฺค ๑. ปุญฺกิริยาวตฺถุสุตฺตวณฺณนา [๖๐] ทุติยวคฺคสฺส ปเม ปุญฺกิริยาวตฺถูนีติ ปุชฺชภวผลํ นิพฺพตฺเตนฺติ, อตฺตโน สนฺตานํ ปุนนฺตีติ วา ปุญฺานิ, ปุญฺานิ จ ตานิ เหตุปจฺจเยหิ กตฺตพฺพโต กิริยา จาติ ปุญฺกิริยา, ตา เอว จ เตสํ เตสํ อานิสํสานํ วตฺถุภาวโต ปุญฺกิริยาวตฺถูนิ. ทานมยนฺติ อนูปจฺฉินฺนภวมูลสฺส อนุคฺคหวเสน ปูชาวเสน วา อตฺตโน เทยฺยธมฺมสฺส ปเรสํ ปริจฺจาคเจตนา ทิยฺยติ เอตายาติ ทานํ, ทานเมว ทานมยํ. จีวราทีสุ หิ จตูสุ ปจฺจเยสุ อนฺนาทีสุ วา ทสสุ ทานวตฺถูสุ รูปาทีสุ วา ฉสุ อารมฺมเณสุ ตํ ตํ เทนฺตสฺส เตสํ อุปฺปาทนโต ปฏฺาย ปุพฺพภาเค ปริจฺจาคกาเล ปจฺฉา โสมนสฺสจิตฺเตน อนุสฺสรเณ จาติ ตีสุ กาเลสุ วุตฺตนเยเนว ^๑- ปวตฺตเจตนา ทานมยํ ปุญฺกิริยาวตฺถุ นาม. สีลมยนฺติ นิจฺจสีลอุโปสถนิยมาทิวเสน ปญฺจ อฏฺ ทส วา สีลานิ สมาทิยนฺตสฺส สีลปูรณตฺถํ ปพฺพชิสฺสามีติ วิหารํ คจฺฉนฺตสฺส ปพฺพชนฺตสฺส มโนรถํ มตฺถกํ ปาเปตฺวา "ปพฺพชิโต วตมฺหิ สาธุ สุฏฺู"ติ อาวชฺเชนฺตสฺส สทฺธาย ปาติโมกฺขํ ปริปูเรนฺตสฺส ปญฺาย จีวราทิเก ปจฺจเวกฺขนฺตสฺส สติยา อาปถคเตสุ รูปาทีสุ จกฺขุทฺวาราทีนิ สํวรนฺตสฺส วีริเยน อาชีวํ โสเธนฺตสฺส จ ปวตฺตา เจตนา สีลตีติ สีลมยํ ปุญฺกิริยาวตฺถุ นาม. ตถา ปฏิสมฺภิทายํ ^๒- วุตฺเตน วิปสฺสนามคฺเคน จกฺขุํ อนิจฺจโต ทุกฺขโต อนตฺตโต วิปสฺสนฺตสฺส โสตํ, ฆานํ, ชิวฺหํ, กายํ, มนํ. รูเป ฯเปฯ ธมฺเม. จกฺขุวิญฺาณํ ฯเปฯ มโนวิญฺาณํ. จกฺขุสมฺผสฺสํ ฯเปฯ มโนสมฺผสฺสํ. @เชิงอรรถ: ^๑ ฉ.ม. วุตฺตนเยน ^๒ ขุ.ปฏิ. ๓๑/๙๙/๗๖

เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๒๓๒. http://84000.org/tipitaka/read/attha_page.php?book=27&page=232&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=5111&pagebreak=1 http://84000.org/tipitaka/atthapali/th_line.php?B=27&A=5111&pagebreak=1#p232