ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๘ ภาษาบาลี อักษรไทย สุตฺต.อ.๑ (ปรมตฺถ.๑)

หน้าที่ ๑๖๗.

เสกฺขสมณญฺจ สีลวนฺตปุถุชฺชนสมณญฺจ นิทฺทิสนฺโต อาห "โย ธมฺมปเท"ติ.
ตตฺถ ปทวณฺณนา ปากฏาเยว. อยํ ปเนตฺถ อตฺถวณฺณนา:- โย นิพฺพานธมฺมสฺส
ปทตฺตา ธมฺมปเท, อุโภ อนฺเต อนุปคมฺม เทสิตตฺตา อาสยานุรูปโต วา
สติปฏฺานาทินานปฺปกาเรหิ เทสิตตฺตา สุเทสิเต, มคฺคสมงฺคีปิ อนวสิตมคฺคกิจฺจตฺตา
มคฺเค ชีวติ, สีลสํยเมน สญฺโต, กายาทีสุ สุปติฏฺิตาย จิรกตาทิสรณาย
วา สติยา สติมา, อนุมตฺตสฺสาปิ วชฺชสฺส อภาวโต อนวชฺชตฺตา, โกฏฺาสภาเวน
จ ปทตฺตา สตฺตตฺตึสโพธิปกฺขิยธมฺมสงฺขาตานิ อนวชฺชปทานิ ภงฺคาณโต ปภุติ
ภาวนาเสวนาย เสวมาโน, ตํ ภิกฺขูนํ ตติยํ มคฺคชีวินฺติ อาหูติ.
      [๘๙] เอวํ ภควา อิมาย คาถาย "มคฺคชีวินฺ"ติ เสกฺขสมณํ สีลวนฺตํ
ปุถุชฺชนสมณญฺจ นิทฺทิสิตฺวา อิทานิ ตํ ภณฺฑุกาสาวกณฺ ๑- เกวลํ
โวหารมตฺตกสมณํ ๒- นิทฺทิสนฺโต อาห "ฉทนํ กตฺวานา"ติ. ตตฺถ ฉทนํ กตฺวานาติ
ปติรูปํ กริตฺวา, เวสํ คเหตฺวา, ลิงฺคํ ธาเรตฺวาติ อตฺโถ. สุพฺพตานนฺติ
พุทฺธปจฺเจกพุทฺธสาวกานํ. เตสํ หิ สุนฺทรานิ วตานิ, ตสฺมา เต สุพฺพตาติ
วุจฺจนฺติ. ปกฺขนฺทีติ ปกฺขนฺทโก, อนฺโต ปวิสโกติ อตฺโถ. ทุสฺสีโล หิ
คูถปฏิจฺฉาทนตฺถํ ติณปณฺณาทิจฺฉทนํ วิย อตฺตโน ทุสฺสีลภาวปฏิจฺฉาทนตฺถํ
สุพฺพตานํ ฉทนํ กตฺวาน ๓- "อหมฺปิ ภิกฺขู"ติ ภิกฺขุมชฺเฌ ปกฺขนฺทติ,
"เอตฺตกวสฺเสน ภิกฺขุนา คเหตพฺพํ เอตนฺ"ติ ลาเภ ทียมาเน "อหํ
เอตฺตกวสฺโส"ติ คณฺหิตุํ ปกฺขนฺทติ, เตน วุจฺจติ "ฉทนํ กตฺวาน สุพฺพตานํ
ปกฺขนฺที"ติ. จตุนฺนมฺปิ ขตฺติยาทิกุลานํ อุปฺปนฺนํ ปสาทํ อนนุรูปปฏิปตฺติยา
ทูเสตีติ กุลทูสโก. ปคพฺโภติ อฏฺฏฺาเนน กายปาคพฺภิเยน, จตุฏฺาเนน
วจีปาคพฺภิเยน, อเนกฏฺาเนน มโนปาคพฺภิเยน จ สมนฺนาคโตติ อตฺโถ.
อยเมตฺถ สงฺเขโป, วิตฺถารํ ปน เมตฺตสุตฺตวณฺณนายํ ปวกฺขาม. ๔-
@เชิงอรรถ:  ม. ภณฺฑุํ กาสาวกณฺ             ฉ.ม. โวหารมตฺตสมณํ
@ ฉ.ม. กตฺวา                   ฉ.ม. วกฺขาม



เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๑๖๗. http://84000.org/tipitaka/read/attha_page.php?book=28&page=167&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=4007&pagebreak=1 http://84000.org/tipitaka/atthapali/th_line.php?B=28&A=4007&pagebreak=1#p167


จบการแสดงผล หน้าที่ ๑๖๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]