ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๘ ภาษาบาลี อักษรไทย สุตฺต.อ.๑ (ปรมตฺถ.๑)

หน้าที่ ๑๘๐.

      อถ กิมตฺถํ สพฺพาการสมฺปนฺนํ สมนฺตปาสาทิกํ ภควนฺตํ ทิสฺวา
พฺราหฺมณสฺส จิตฺตํ น ปสีทติ, กสฺมา จ เอวํ ผรุเสน วจเนน ภควนฺตํ
สมุทาจรตีติ? วุจฺจเต:- อยํ กิร พฺราหฺมโณ "มงฺคลกิจฺเจสุ สมณทสฺสนํ
อวมงฺคลนฺ"ติ เอวํ ทิฏฺิโก, ตโต "มหาพฺรหฺมุโน ภุญฺชนเวลาย กาฬกณฺณี
มุณฺฑสมณโก มม นิเวสนํ อุปสงฺกมตี"ติ มนฺตฺวา จิตฺตํ น ปสาเทติ,
อญฺทตฺถุ โทสวสํเยว ๑- อคมาสิ. อถ กุทฺโธ อนตฺตมโน อนตฺตมนวาจญฺจ ๒-
นิจฺฉาเรสิ อเตฺรว ๓- มุณฺฑกาติอาทิ. ตตฺราปิ จ ยสฺมา "มุณฺโฑ อสุทฺโธ โหตี"ติ
พฺราหฺมณานํ ทิฏฺิ, ตสฺมา "อยํ อสุทฺโธ, เตน เทวพฺราหฺมณปูชิโต ๔- น
โหตี"ติ ชิคุจฺฉนฺโต "มุณฺฑกา"ติ อาห. มุณฺฑกตฺตา วา อุจฺฉิฏฺโ เอส, น
อิมํ ปเทสํ อรหติ อาคจฺฉิตุนฺติ. สมโณ หุตฺวาปิ อีทิสํ กายกิเลสํ น วณฺเณตีติ
จ สมณภาวํ ชิคุจฺฉนฺโต "สมณกา"ติ อาห. น เกวลํ โทสวเสเนว, ๕- วสเล
วา ปพฺพาเชตฺวา ๖- เตหิ สทฺธึ เอกโต สมฺโภคปริโภคกรเณน ปตีโต อยํ
วสลโตปิ ปาปตโรติ ชิคุจฺฉนฺโต "วสลกา"ติ อาห. "วสลชาติกานํ วา
อาหุติทสฺสนมนฺตสวเนน ๗- ปาปํ โหตี"ติ มญฺมาโนปิ เอวมาห.
      ภควา ตถา วุตฺโตปิ วิปฺปสนฺเนเนว มุขวณฺเณน มธุเรน สเรน
พฺราหฺมณสฺส อุปริ อนุกมฺปาสีตเลน จิตฺเตน อตฺตโน สพฺพสตฺเตหิ
อสาธารณตาทิภาวํ ปกาเสนฺโต อาห "ชานาสิ ปน ตฺวํ พฺราหฺมณา"ติ. อถ
พฺราหฺมโณ ภควโต มุขปฺปสาทสํสูจิตตาทิภาวํ ๘- ตฺวา อนุกมฺปาสีตเลน จิตฺเตน
นิจฺฉาริตํ มธุรสฺสรํ สุตฺวา อมเตเนว อภิสิตฺตหทโย อตฺตมโน วิปฺปสนฺนินฺทฺริโย
นีหตมาโน ๙- หุตฺวา ตํชาติสภาวํ วิสโอรคสทิสํ ๑๐- สมุทาจารวจนํ ปหาย
@เชิงอรรถ:  ก. โรสาสํเยว     ฉ.ม. จ-สทฺโท น ทิสฺสติ     ฉ.ม. ตเตฺรว
@ ฉ.ม....ปูชโก     ก. โรสวเสเนว           ก. วสโว วา ปพฺพชิตฺวา
@ ฉ.ม....มตฺตสวเนน         ฉ.ม. มุขปฺปสาทสูจิตํ ตาทิภาวํ
@ ก. นีหฏมาโน            ๑๐ สี.,อิ. วิสุคฺคารสทิสํ, ฉ.ม. วิสอุคฺคิรสทิสํ



เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๑๘๐. http://84000.org/tipitaka/read/attha_page.php?book=28&page=180&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=4306&pagebreak=1 http://84000.org/tipitaka/atthapali/th_line.php?B=28&A=4306&pagebreak=1#p180


จบการแสดงผล หน้าที่ ๑๘๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]