อรรถกถาเล่มที่ ๒๘ หน้าที่ ๑๙๒.

เอวํ อุฏฺานสมฺปนฺโน ^๑- โส มาตงฺโค วิคตกิเลสรชตฺตา วิรชํ, มหนฺเตหิ พุทฺธาทีหิ ปฏิปนฺนตฺตา มหาปถํ, พฺรหฺมโลกสงฺขาตํ เทวโลกํ ยาเปตุํ สมตฺถตฺตา พฺรหฺมโลกยานสญฺิตํ ^๒- อฏฺสมาปตฺติยานํ อภิรุยฺห ตาย ปฏิปตฺติยา กามราคํ วิราเชตฺวา กายสฺส เภทา พฺรหฺมโลกูปโค อหุ, สา ตถา หีนาปิ น นํ ชาติ นิวาเรสิ พฺรหฺมโลกูปปตฺติยา, พฺรหฺมโลกูปปตฺติโตติ วุตฺตํ โหติ. อยํ ปนตฺโถ เอวํ เวทิตพฺโพ:- อตีเต กิร มหาปุริโส เตน เตนุปาเยน สตฺตหิตํ กโรนฺโต โสปากชีวิเก จณฺฑาลกุเล อุปฺปชฺชิ. โส นาเมน มาตงฺโค, รูเปน ทุทฺทสิโก หุตฺวา พหินคเร จมฺมกุฏิกาย วสติ, อนฺโตนคเร ภิกฺขํ จริตฺวา ชีวิกํ กปฺเปติ. อเถกทิวสํ ตสฺมึ นคเร สุรานกฺขตฺเต ^๓- โฆสิเต ธุตฺตา ยถาสเกน ปริวาเรน กีฬนฺติ. อญฺตราปิ พฺราหฺมณมหาสาลธีตา ปนฺนรส โสฬสวสฺสุทฺเทสิกา เทวกญฺา วิย รูเปน ทสฺสนียา ปาสาทิกา "อตฺตโน กุลวํสานุรูปํ กีฬิสฺสามี"ติ ปหูตํ ขชฺชโภชฺชาทิกีฬนสมฺภารํ สกเฏสุ อาโรเปตฺวา สพฺพเสตวฬวยุตฺตํ ^๔- ยานมารุยฺห มหาปริวาเรน อุยฺยานภูมึ คจฺฉติ ทิฏฺมงฺคลิกาติ นาเมน. สา กิร "ทุสฺสณฺิตํ รูปํ อวมงฺคลนฺ"ติ ^๕- ทฏฺุํ น อิจฺฉติ, เตนสฺสา ทิฏฺมงฺคลิกาเตฺวว สงฺขา อุทปาทิ. ตทา โส มาตงฺโค กาลสฺเสว วุฏฺาย ปฏปิโลติกํ นิวาเสตฺวา กฏฺตาลํ ^๖- หตฺเถ พนฺธิตฺวา ภาชนหตฺโถ นครํ ปวิสติ มนุสฺเส ทิสฺวา ทูรโต เอว กฏฺตาลํ อาโกเฏนฺโต. อถ ทิฏฺมงฺคลิกา "อุสฺสรถ อุสฺสรถา"ติ ปุรโต ปุรโต หีนชนํ อปเนนฺเตหิ ปุริเสหิ นิยฺยมานา นครทฺวารมชฺเฌ มาตงฺคํ ทิสฺวา @เชิงอรรถ: ^๑ ฉ.ม. อุปฏฺานสมฺปนฺโน ^๒ ฉ.ม. เทวโลกยาน... @^๓ ม. สุภนกฺขตฺเต ^๔ สี. สพฺพเสตพลิพทฺทยุตฺตํ @^๕ สี. ทุสฺสณฺิตรูปํ อมงฺคลนฺติ ^๖ ฉ.ม. กํสตาฬํ, เอวมุปริปิ

เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๑๙๒. http://84000.org/tipitaka/read/attha_page.php?book=28&page=192&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=4582&pagebreak=1 http://84000.org/tipitaka/atthapali/th_line.php?B=28&A=4582&pagebreak=1#p192