อรรถกถาเล่มที่ ๒๘ หน้าที่ ๓๗.

ปริหริตฺวา โคจเร จาเรตฺวา สีหพฺยคฺฆาทิภยา ปริตฺตายิตฺวา อาเนติ. ตถารูโป อุสโภปิ ควมฺปติ อิธ มยฺหํ โคมณฺฑเล อตฺถีติ ทสฺเสสิ. [๒๗] เอวํ วุตฺเต ภควา ตเถว ธนิยํ โอวทนฺโต อิมํ ปจฺจนีกคาถํ อาห "นตฺถิ วสา"ติ. เอตฺถ เจส อธิปฺปาโย:- อิธ อมฺหากํ สาสเน อทมิตฏฺเน วุฑฺฒฏฺเน จ วสาสงฺขาตา ปริยุฏฺานา วา, ตรุณวจฺฉเก สนฺธาย วสานํ มูลฏฺเน ขีรทายินิโย สนฺธาย ปคฺฆรณฏฺเน วา เธนุปาสงฺขาตา อนุสยา วา, ปฏิสนฺธิคพฺภธารณฏฺเน โคธรณิสงฺขาตา ปุญฺาปุญฺาเนญฺชาภิสงฺขารเจตนา วา, สํโยคปตฺถนฏฺเน ปเวณิสงฺขาตา ปตฺถนา ตณฺหา วา, อาธิปจฺจฏฺเน ปุพฺพงฺคมฏฺเน เสฏฺฏฺเน จ ควมฺปติอุสภสงฺขาตํ อภิสงฺขารวิญฺาณํ วา นตฺถิ, สฺวาหํ อิมาย สพฺพโยคกฺเขมภูตาย นตฺถิตาย ตุฏฺโ, ตฺวํ ปน โสกาทิวตฺถุภูตาย อตฺถิตาย ตุฏฺโ. ตสฺมา สพฺพโยคกฺเขมตาย ตุฏฺสฺส มเมเวตํ ยุตฺตํ วตฺตุํ "อถ เจ ปตฺถยสี ปวสฺส เทวา"ติ. [๒๘] ตมฺปิ สุตฺวา ธนิโย ตทุตฺตริมฺปิ สุภาสิตามตรสํ อธิคนฺตุกาโม อตฺตโน โคคณสฺส ขิลพนฺธนสมฺปตฺตึ ทสฺเสนฺโต อาห "ขิลา นิขาตา"ติ. ตตฺถ ขิลาติ คุนฺนํ พนฺธนตฺถมฺภา. นิขาตาติ อาโกเฏตฺวา ภูมิปฺปเวสิตา ^๑- ขุทฺทกา มหนฺตา ขณิตฺวา ปิตา. อสมฺปเวธีติ อกมฺปกา. ทามาติ วจฺฉกานํ พนฺธนตฺถาย กตา คณฺิปาสยุตฺตา ^๒- รชฺชุพนฺธนวิเสสา. มุญฺชมยาติ มุญฺชติณมยา. นวาติ อจิรกตา. สุสณฺานาติ สุฏฺุ สณฺานา, สุวฏฺฏิตสณฺานา วา. น หิ สกฺขินฺตีติ เนว สกฺขิสฺสนฺติ. เธนุปาปี เฉตฺตุนฺติ ตรุณวจฺฉกาปิ ฉินฺทิตุํ. [๒๙] เอวํ วุตฺเต ภควา ธนิยสฺส อินฺทฺริยปริปากกาลํ ตฺวา ปุริมนเยเนว ตํ โอวทนฺโต อิมํ จตุสจฺจปริทีปิกํ คาถํ อภาสิ "อุสโภริว เฉตฺวา"ติ. ตตฺถ อุสโภติ โคปิตา โคปริณายโก โคยูถปติ พลิพทฺโท. เกจิ @เชิงอรรถ: ^๑ ฉ.ม. ภูมิยํ ปเวสิตา ^๒ สี. คนฺถิตา นนฺทิปาสยุตฺตา, ฉ.ม. คนฺถิตปาสยุตฺตา

เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๓๗. http://84000.org/tipitaka/read/attha_page.php?book=28&page=37&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=925&pagebreak=1 http://84000.org/tipitaka/atthapali/th_line.php?B=28&A=925&pagebreak=1#p37