อรรถกถาเล่มที่ ๒๙ หน้าที่ ๑๖๗.

[๓๕๒] ธีรา จาติ อิมมฺปิ คาถํ ปุริมนเยเนว ภณติ. ตสฺสตฺโถ:- ธีรา จ ปณฺฑิตา ปุริสา ปชฺโชตกรา ภวนฺติ, ปญฺาปชฺโชตํ อุปฺปาเทนฺติ, ตสฺมา อหนฺตํ วีร ปธานวีริยสมนฺนาคต ภควา ตเถว มญฺเ ธีโรติ จ, ปชฺโชตกโรเตฺวว จ มญฺามิ. มยํ หิ วิปสฺสินํ สพฺพธมฺเม ยถาภูตํ ปสฺสนฺตํ ภควนฺตํ ชานนฺตา เอว ^๑- เอว อุปาคมมฺหา, ตสฺมา ปริสาสุ โน อาวิกโรหิ กปฺปํ, นิโคฺรธกปฺปํ อาจิกฺข ปกาเสหีติ. [๓๕๓] ขิปฺปนฺติ อิมมฺปิ คาถํ ปุริมนเยเนว ภณติ. ตสฺสตฺโถ:- ขิปฺปํ คิรํ เอรย ลหุํ อจิรายมาโน วจนํ ภาส วคฺคุํ มโนรมํ ภควา. ยถา สุวณฺณหํโส โคจรปฏิกฺกนฺโต ชาตสฺสรวนสณฺฑํ ทิสฺวา คีวํ ปคฺคยฺห อุจฺจาเรตฺวา รตฺตตุณฺเฑน สณิกํ อตรมาโน วคฺคุํ คิรํ นิกูชติ ^๒- นิจฺฉาเรติ, เอวเมว ตฺวมฺปิ สณิกํ นิกูช ^๓- อิมินา มหาปุริสลกฺขณญฺตเรน พินฺทุสฺสเรน สุวิกปฺปิเตน สุฏฺุ วิกปฺปิเตน อภิสงฺขเตน, เอเต มยํ สพฺเพว อุชุคตา อวิกฺขิตฺตมานสา หุตฺวา ตว นิกูชิตํ สุโณมาติ. [๓๕๔] ปหีนชาติมรณนฺติ อิมมฺปิ คาถํ ปุริมนเยเนว ภณติ. ตตฺถ น เสเสตีติ อเสโส, ตํ อเสสํ. โสตาปนฺนาทโย วิย กิญฺจิ อเสเสตฺวา ปหีนชาติมรณนฺติ วุตฺตํ โหติ. นิคฺคยฺหาติ สุฏฺุ ยาจิตฺวา นิพนฺธิตฺวา. โธนนฺติ ธุตสพฺพปาปํ. วเทสฺสามีติ กถาเปสฺสามิ ธมฺมํ. น กามกาโร หิ ปุถุชฺชนานนฺติ ปุถุชฺชนานเมว หิ กามกาโร นตฺถิ, ยํ ปตฺเถนฺติ าตุํ วา วตฺตุํ วา, ตํ น สกฺโกนฺติ. สงฺเขฺยยฺยกาโร จ ตถาคตานนฺติ ตถาคตานํ ปน วีมํสกาโร ปญฺาปุพฺพงฺคมา กิริยา. เต ยํ ปตฺเถนฺติ าตุํ วา วตฺตุํ วา, ตํ สกฺโกนฺตีติ อธิปฺปาโย. @เชิงอรรถ: ^๑ สี.,ก. เอวํ ^๒ ก. นิกฺกุชฺเชติ ^๓ ก. นิกฺกุชฺช

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๑๖๗. http://84000.org/tipitaka/read/attha_page.php?book=29&page=167&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=3748&pagebreak=1 http://84000.org/tipitaka/atthapali/th_line.php?B=29&A=3748&pagebreak=1#p167