ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๙ ภาษาบาลี อักษรไทย สุตฺต.อ.๒ (ปรมตฺถ.๒)

หน้าที่ ๑๖๘.

      [๓๕๕] อิทานิ ตํ สงฺเขฺยยฺยการํ ปกาเสนฺโต "สมฺปนฺนเวยฺยากรณนฺ"ติ
คาถมาห. ตสฺสตฺโถ:- ตถา หิ ตว ภควา อิทํ สมุชฺชปญฺสฺส ๑- ตตฺถ ตตฺถ
สมุคฺคหิตํ วุตฺตํ ปวตฺติตํ สมฺปนฺนเวยฺยากรณํ, "สนฺตติมหามตฺโต สตฺตตาลมตฺตํ
อพฺภุคฺคนฺตฺวา ปรินิพฺพายิสฺสติ, สุปฺปพุทฺโธ สกฺโก สตฺตเม ทิวเส ปวึ
ปวิสิสฺสตี"ติ เอวมาทีสุ อวิปรีตํ ทิฏฺ, ตโต ปน สุฏฺุตรํ อญฺชลึ ปณาเมตฺวา
อาห:- อยมญฺชลี ปจฺฉิโม สุปฺปณามิโต, อยมปโรปิ อญฺชลี สุฏฺุตรํ
ปณามิโต. มา โมหยีติ มา โน อกถเนน โมหยิ ชานํ ชานนฺโต กปฺปสฺส
คตึ. อโนมปญฺาติ ภควนฺตํ  อาลปติ.
      [๓๕๖] ปโรวรนฺติ ๒- อิมํ ปน คาถํ อปเรนปิ ปริยาเยน อโมหนเมว
ยาจนฺโต อาห. ตตฺถ ปโรวรนฺติ โลกิยโลกุตฺตรวเสน สุนฺทราสุนฺทรํ ทูเรสนฺติกํ
วา. อริยธมฺมนฺติ จตุสจฺจธมฺมํ. วิทิตฺวาติ ปฏิวิชฺฌิตฺวา. ชานนฺติ สพฺพํ
เยฺยธมฺมํ ชานนฺโต. วาจาภิกงฺขามีติ ยถา ฆมฺมนิ ฆมฺมตตฺโต ปุริโส
กิลนฺโต ตสิโต วารึ, เอวํ เต วาจํ อภิกงฺขามิ. สุตมฺปวสฺสาติ สุตสงฺขาตํ
สทฺทายตนํ ปวสฺส ปคฺฆร มุญฺจ ปวตฺเตหิ. "สุตสฺสํ วสฺสา"ติปิ ปาโ,
วุตฺตปฺปการสฺส สทฺทายตนสฺส ๓- วุฏฺึ วสฺสาติ อตฺโถ.
      [๓๕๗] อิทานิ ยาทิสํ วาจํ อภิกงฺขติ, ตํ ปกาเสนฺโต:-
                   "ยทตฺถิกํ พฺรหฺมจริยํ อจารี
                   กปฺปายโน กจฺจิสฺส ตํ อโมฆํ
                   นิพฺพายิ โส อาทุ สอุปาทิเสโส
                   ยถา วิมุตฺโต อหุ ตํ สุโณมา"ติ
คาถมาห. ตตฺถ กปฺปายโนติ กปฺปเมว ปูชาวเสน ภณติ. ยถา วิมุตฺโตติ  "กึ
อนุปาทิเสสาย นิพฺพานธาตุยา ยถา อเสกฺขา, อุทาหุ อุปาทิเสสาย ยถา
เสกฺขา"ติ ปุจฺฉติ. เสสเมตฺถ ปากฏเมว.
@เชิงอรรถ:  ฉ.ม.,อิ. สมุชฺชุปญฺสฺส   ม. วราวรนฺติ   ก. สฬายตนสฺส



เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๑๖๘. http://84000.org/tipitaka/read/attha_page.php?book=29&page=168&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=3770&pagebreak=1 http://84000.org/tipitaka/atthapali/th_line.php?B=29&A=3770&pagebreak=1#p168


จบการแสดงผล หน้าที่ ๑๖๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]