อรรถกถาเล่มที่ ๒๙ หน้าที่ ๒๕๗.

ธีโร กิเลสาริวิทฺธํสนสมตฺถตาย, ตาที นิพฺพิการตาย, ตสฺมา เอวํ ถุโต. เสสํ โยเชตฺวา วตฺตพฺพํ. [๕๓๘] "อาชานิโย กินฺติ นาม โหตี"ติ เอตฺถ ปน ยสฺมา ปหีนสพฺพวงฺกโทโส การณาการณญฺู อสฺโส วา หตฺถี วา "อาชานิโย โหตี"ติ โลเก วุจฺจติ, น จ ตสฺส สพฺพโส เต โทสา ปหีนา เอว. ขีณาสวสฺส ปน เต ปหีนา, ตสฺมา โส "อาชานิโย"ติ ปรมตฺถโต วตฺตพฺพตํ อรหตีติ ทสฺเสนฺโต "ยสฺสา"ติ คาถาย จตุตฺถปญฺหํ พฺยากาสิ. ตสฺสตฺโถ:- อชฺฌตฺตํ พหิทฺธา จาติ เอวํ อชฺฌตฺตพหิทฺธาสํโยชนสงฺขาตานิ ยสฺส อสฺสุ ลุนานิ พนฺธนานิ ปญฺาสตฺเถน ฉินฺนานิ ปทาลิตานิ. สงฺคมูลนฺติ ยานิ เตสุ เตสุ วตฺถูสุ สงฺคสฺส สชฺชนาย อนติกฺกมนาย มูลํ โหนฺติ, อถ วา ยสฺส อสฺสุ ลุนานิ ราคาทีนิ พนฺธนานิ ยานิ อชฺฌตฺตํ พหิทฺธา จ สงฺคมูลานิ โหนฺติ, โส สพฺพสฺมา สงฺคานํ มูลภูตา, ^๑- สพฺพสงฺคานํ วา มูลภูตา พนฺธนา ปมุตฺโต "อาชานิโย"ติ วุจฺจติ, ตถตฺตา ตาทิ จ โหตีติ. [๕๔๐] เอวํ จตุตฺถคาถาย วุตฺตปเญฺห วิสฺสชฺเชตฺวา ปญฺจมคาถาย วุตฺตปเญฺหสุปิ ยสฺมา ยํ ฉนฺทชฺเฌนมตฺเตน อกฺขรจินฺตกา โสตฺติยํ วณฺณยนฺติ, โวหารมตฺตโสตฺติโย โส. อริโย ปน พาหุสจฺเจน นิสฺสุตปาปตาย จ ปรมตฺถโสตฺติโย โหติ, ตสฺมา ตมตฺถํ ทสฺเสนฺโต "อิทํ ปตฺตินนฺ"ติ อวตฺวา "สุตฺวา"ติ คาถาย ปมปญฺหํ พฺยากาสิ. ตสฺสตฺโถ:- โย อิมสฺมึ โลเก สุตมยปญฺากิจฺจวเสน สุตฺวา กตฺตพฺพกิจฺจวเสน วา สุตฺวา วิปสฺสนูปคํ สพฺพธมฺมํ อนิจฺจาทิวเสน อภิญฺาย สาวชฺชานวชฺชํ ยทตฺถิ กิญฺจิ, อิมาย ปฏิปทาย กิเลเส กิเลสฏฺานิเย จ ธมฺเม อภิภวิตฺวา อภิภูติ สงฺขํ คโต, ตํ @เชิงอรรถ: ^๑ ก. สงฺคมูลภูตา

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๒๕๗. http://84000.org/tipitaka/read/attha_page.php?book=29&page=257&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=5795&pagebreak=1 http://84000.org/tipitaka/atthapali/th_line.php?B=29&A=5795&pagebreak=1#p257