อรรถกถาเล่มที่ ๒๙ หน้าที่ ๔๐๔.

ปุเรกฺขราโน. โส หิ ยํ สตฺถาราทึ ^๑- นิสฺสิโต, ตตฺเถว สุภํ วทาโน สุทฺธึ วโท, "ปริสุทฺธวาโท ปริสุทฺธทสฺสโน วา อหนฺ"ติ อตฺตานํ มญฺมาโน ตตฺถ ตถทฺทสา โส, ตตถ สกาย ทิฏฺิยา อวิปรีตเมว โส อทฺทส. ยถา สา ทิฏฺิ ปวตฺตติ, ตเถว นํ อทฺทส, น อญฺถา ปสฺสิตุํ อิจฺฉตีติ อธิปฺปาโย. [๙๑๘] เอวํ ปกปฺปิตํ ทิฏฺึ ปุเรกฺขราเนสุ ติตฺถิเยสุ:- น พฺราหฺมโณ กปฺปมุเปติ สงฺขนฺติ ^๒- คาถา. ตตฺถ สงฺขนฺติ ^๒- สงฺขาย, ชานิตฺวาติ อตฺโถ. นปิ าณพนฺธูติ สมาปตฺติาณาทินา อกตตณฺหาทิฏฺิพนฺธุ. ตตฺถ วิคฺคโห:- นาปิ อสฺส าเณน กโต พนฺธุ อตฺถีติ นปิ าณพนฺธุ. สมฺมุติโยติ ทิฏฺิสมฺมุติโย. ปุถุชฺชาติ ปุถุชฺชนสภาวา. อุคฺคหณนฺติ มญฺเติ ^๓- อุคฺคหณนฺติ อญฺเ, อญฺเ ตา สมฺมุติโย อุคฺคณฺหนฺตีติ วุตฺตํ โหติ. [๙๑๙] กิญฺจ ภิยฺโย:- วิสฺสชฺช คนฺถานีติ คาถา. ตตฺถ อนุคฺคโหติ อุคฺคหณวิรหิโต, โส หิ ^๔- นาสฺส อุคฺคโหติ อนุคฺคโห, น วา อุคฺคณฺหาตีติ อนุคฺคโห. [๙๒๐] กิญฺจ ภิยฺโย:- โส เอวรูโป:- ปุพฺพาสเวติ คาถา. ตตฺถ ปุพฺพาสเวติ อตีตรูปาทีนิ อารพฺภ อุปฺปชฺชมานธมฺเม กิเลเส. นเวติ ปจฺจุปฺปนฺนรูปาทีนิ อารพฺภ อุปฺปชฺชมานธมฺเม. น ฉนฺทคูติ ฉนฺทาทิวเสน น คจฺฉติ. อนตฺตครหีติ กตากตวเสน อตฺตานํ อครหนฺโต. [๙๒๑] เอวํ อนตฺตครหี จ:- ส สพฺพธมฺเมสูติ คาถา. ตตฺถ ส สพฺพธมฺเมสูติ ทฺวาสฏฺิทิฏฺิธมฺเมสุ "ยํ กิญฺจิ ทิฏฺ วา"ติ เอวมฺปเภเทสุ. ปนฺนภาโรติ ปติตภาโร. น กปฺเปตีติ น กปฺปิโย, ทุวิธมฺปิ กปฺปํ น กโรตีติ @เชิงอรรถ: ^๑ ก. สตฺถารํ ^๒ ฉ.ม. สงฺขาติ @^๓ สี., อิ. อุคฺคณฺหนฺตมญฺเติ ^๔ ฉ.ม.,อิ. ปิ

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๔๐๔. http://84000.org/tipitaka/read/attha_page.php?book=29&page=404&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=9085&pagebreak=1 http://84000.org/tipitaka/atthapali/th_line.php?B=29&A=9085&pagebreak=1#p404