อรรถกถาเล่มที่ ๓ หน้าที่ ๒๑๗-๒๑๘.

หน้าที่ ๒๑๗.

กินตฺถารสฺส กิญฺจิ ปริหายติ ฯ {๓๑๐} เอวํ กินตฺถารํ ทสฺเสตฺวา อิทานิ อุพฺภารํ ทสฺเสตุํ กถญฺจ ภิกฺขเว อุพฺภตํ โหติ กินนฺติ- อาทิมาห ฯ ตตฺถ มาติกาติ มาตโร ชเนตฺติโยติ อตฺโถ ฯ กินุพฺภารํ หิ เอตา อฏฺ ชเนตฺติโย ฯ ตาสุ ปกฺกมนํ อนฺโต อสฺสาติ ปกฺกมนนฺติกา ฯ เอวํ เสสาปิ เวทิตพฺพา ฯ {๓๑๑} น ปจฺเจสฺสนฺติ น ปุน อาคมิสฺสํ ฯ เอตสฺมึ ปน ปกฺกมนนฺติเก กินุทฺธาเร ปมํ จีวรปลิโพโธ ฉิชฺชติ ปจฺฉา อาวาสปลิโพโธ เอวํ ปกฺกมโต หิ จีวรปลิโพโธ อนฺโตสีมายเมว ฉิชฺชติ อาวาสปลิโพโธ สีมาติกฺกเม ฯ วุตฺตมฺปิ เจตํ ปริวาเร ปกฺกมนนฺติโก กินุทฺธาโร วุตฺโต อาทิจฺจพนฺธุนา เอตญฺจาหํ วิสฺสชฺชิสฺสํ จีวรปลิโพโธ ปมํ ฉิชฺชติ ปจฺฉา อาวาสปลิโพโธ ฉิชฺชตีติ ฯ จีวรํ อาทายาติ อกตจีวรํ อาทาย ฯ พหิสีมาคตสฺสาติ อญฺ สามนฺตํ วิหารํ คตสฺส ฯ เอวํ โหตีติ ตสฺมึ วิหาเร เสนาสน- ผาสุกํ วา สหายสมฺปตฺตึ วา ทิสฺวา เอวํ โหติ ฯ เอตสฺมึ ปน นิฏฺานนฺติเก กินุทฺธาเร อาวาสปลิโพโธ ปมํ ฉิชฺชติ โส หิ น ปจฺเจสฺสนฺติ จิตฺเต อุปฺปนฺนมตฺเตว ฉิชฺชติ ฯ วุตฺตมฺปิ เจตํ นิฏฺานนฺติโก กินุทฺธาโร วุตฺโต อาทิจฺจพนฺธุนา เอตญฺจาหํ วิสฺสชฺชิสฺสํ อาวาสปลิโพโธ ปมํ ฉิชฺชติ จีวเร นิฏฺิเต จีวรปลิโพโธ ฉิชฺชตีติ ฯ เอเตน นเยน เสสมาติกาวิภชฺชเนปิ อตฺโถ เวทิตพฺโพ ฯ

--------------------------------------------------------------------------------------------- หน้าที่ ๒๑๘.

อยํ ปเนตฺถ วิเสโส สนฺนิฏฺานนฺติเก เทฺวปิ ปลิโพธา เนวิมํ จีวรํ กาเรสฺสํ น ปจฺเจสฺสนฺติ จิตฺเต อุปฺปนฺนมตฺเตเยว เอกโต ฉิชฺชนฺติ ฯ วุตฺตญฺเหตํ สนฺนิฏฺานนฺติโก กินุทฺธาโร วุตฺโต อาทิจฺจพนฺธุนา เอตญฺจาหํ วิสฺสชฺชิสฺสํ เทฺว ปลิโพธา อปุพฺพํ อจริมํ ฉิชฺชนฺตีติ ฯ เอวํ สพฺพกินุทฺธาเรสุ ปลิโพธุปจฺเฉโท เวทิตพฺโพ ฯ โส ปน ยสฺมา อิมินา จ วุตฺตนเยน ปริวาเร จ อาคตภาเวน สกฺกา ชานิตุํ ตสฺมา วิตฺถารโต น วุตฺโต ฯ อยมฺปเนตฺถ สงฺเขโป นาสนนฺติเก อาวาสปลิโพโธ ปมํ ฉิชฺชติ จีวเร นฏฺเ จีวรปลิโพโธ ฉิชฺชติ ฯ สวนนฺติเก จีวรปลิโพโธ ปมํ ฉิชฺชติ ตสฺส สห สวเนน อาวาสปลิโพโธ ฉิชฺชติ ฯ อาสาวจฺเฉทิเก อาวาส- ปลิโพโธ ปมํ ฉิชฺชติ จีวราสาย อุปจฺฉินฺนาย จีวรปลิโพโธ ฉิชฺชติ ฯ อยมฺปน ยสฺมา อนาสาย ลภติ อาสาย น ลภติ ตสฺส เอวํ โหติ อิเธวิมํ จีวรํ กาเรสฺสํ น ปจฺเจสฺสนฺติอาทินา นเยน อิตเรหิ อุทฺธาเรหิ สทฺธึ โวมิสฺสกเทสนาเนกปฺปเภโท โหติ ตสฺมา ปรโต วิสุํ วิตฺถาเรตฺวา วุตฺโต อิธ น วุตฺโต ฯ อิธ ปน สวนนฺติกสฺส อนนฺตรํ สีมาติกฺกนฺติโก วุตฺโต ฯ ตตฺถ จีวร- ปลิโพโธ ปมํ ฉิชฺชติ ตสฺส พหิสีเม อาวาสปลิโพโธ ฉิชฺชติ ฯ สหุพฺภาเร เทฺว ปลิโพธา อปุพฺพํ อจริมํ ฉิชฺชนฺติ ฯ {๓๑๖-๓๒๕} เอวํ อาทายวาเร สตฺต กินุทฺธาเร ทสฺเสตฺวา ปุน สมาทายวาเรปิ วิปฺปกตจีวรสฺส อาทายสมาทายวาเรสุปิ ยถาสมฺภวํ เตเยว ทสฺสิตา ฯ ตโต ปรํ

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๑๗-๒๑๘. http://84000.org/tipitaka/read/attha_page.php?book=3&page=217&pages=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=4464&pagebreak=1 http://84000.org/tipitaka/atthapali/th_line.php?B=3&A=4464&pagebreak=1#p217