อรรถกถาเล่มที่ ๓ ภาษาบาลี อักษรไทย
วินย.อ. (สมนฺต.๓)
หน้าที่ ๒๒๙-๒๓๑.

หน้าที่ ๒๒๙.
สีลาจารปฏิปตฺติสํยุตฺโต โหติ สติมา เมธาวี พหุสฺสุโต สกฺโกติ
ทายกานํ วิสฺสฏฺาย วาจาย ปริมณฺฑเลหิ ปทพฺยญฺชเนหิ อนุโมทนํ
กโรนฺโต ปสาทํ ชเนตุํ เอวรูโป สมฺมนฺนิตพฺโพติ ฯ เอวญฺจ
ปน ภิกฺขเว สมฺมนฺนิตพฺโพติ เอตฺถ ปน เอตาย ยถาวุตฺตาย
กมฺมวาจายปิ อปโลกเนนปิ อนฺโตวิหาเร สพฺพสงฺฆมชฺเฌปิ
ขณฺฑสีมายปิ สมฺมนฺนิตุํ วฏฺฏติเยว ฯ เอวํ สมฺมเตน จ วิหารปจฺจนฺเต
วา ปธานฆเร วา น อจฺฉิตพฺพํ ฯ ยตฺถ ปน อาคตา มนุสฺสา
สุขํ ปสฺสนฺติ ตาทิเส ธุรวิหารฏฺาเน วีชนึ ปสฺเส เปตฺวา
สุวิวตฺเถน สุปารุเตน นิสีทิตพฺพนฺติ ฯ ตตฺเถว อุชฺฌิตฺวาติ
ปฏิคฺคหณเมว อมฺหากํ ภาโรติ วตฺวา คหิตฏฺาเนเยว ฉฑฺเฑตฺวา
คจฺฉนฺติ ฯ จีวรปฏิคฺคาหกนฺติ โย คหปติเกหิ สงฺฆสฺส ทียมานํ
จีวรํ คณฺหาติ ฯ จีวรนิทาหกนฺติ จีวรปฏิสามนกํ ฯ โย น
ฉนฺทาคตินฺติอาทีสุ เจตฺถ อิโต ปรํ สพฺพตฺถ วุตฺตนเยเนว วินิจฺฉโย
เวทิตพฺโพ ฯ สมฺมติวินิจฺฉโยปิ กถิตานุสาเรเนว ชานิตพฺโพ ฯ
     {๓๔๓} วิหารํ วาติอาทีสุ โย อารามมชฺเฌ อารามิกสามเณราทีหิ
อวิวิตฺโต สพฺเพสํ สโมสรณฏฺาเน วิหาโร วา อฑฺฒโยโค
วา โหติ โส น สมฺมนฺนิตพฺโพ ฯ ปจฺจนฺตเสนาสนํ ปน
น สมฺมนฺนิตพฺพํ ฯ อิทํ ปน ภณฺฑาคารํ ขณฺฑสีมํ คนฺตฺวา
ขณฺฑสีมายํ นิสินฺเนหิ สมฺมนฺนิตุํ น วฏฺฏติ วิหารมชฺเฌเยว
สมฺมนฺนิตพฺพํ ฯ คุตฺตาคุตฺตญฺจ ชาเนยฺยาติ เอตฺถ ยสฺส ตาว
ฉทนาทีสุ โกจิ โทโส นตฺถิ ตํ คุตฺตํ นาม ฯ ยสฺส ปน
---------------------------------------------------------------------------------------------
หน้าที่ ๒๓๐.
ฉทนติณํ วา ฉทนิฏฺกา วา ยตฺถ กตฺถจิ ปติตา เยน โอวสฺสติ
วา มูสิกาทีนํ วา ปเวโส โหติ ภิตฺติอาทีสุ วา กตฺถ ฉิทฺทํ
โหติ อุปจิกา วา อุฏฺหนฺติ ตํ สพฺพํ อคุตฺตํ นาม ฯ ตํ
สลฺลกฺเขตฺวา ปฏิสงฺขริตพฺพํ ฯ สีตสมเย ทฺวารญฺจ วาตปานญฺจ
สุปิทหิตํ กาตพฺพํ สีเตน หิ จีวรานิ กณฺณกิตานิ โหนฺติ ฯ
อุณฺหสมเย อนฺตรนฺตรา วาตปเวสนตฺถํ วิวริตพฺพํ ฯ เอวํ กโรนฺโต
หิ คุตฺตาคุตฺตํ ชานาติ นาม ฯ อิเมหิ ปน จีวรปฏิคฺคาหกาทีหิ
ตีหิปิ อตฺตโน วตฺตํ ชานิตพฺพํ ตตฺถ จีวรปฏิคฺคาหเกน ตาว
ยํ ยํ มนุสฺสา กาลจีวรนฺติ วา อกาลจีวรนฺติ วา อจฺเจกจีวรนฺติ
วา วสฺสิกสาฏิกนฺติ วา นิสีทนนฺติ วา ปจฺจตฺถรณนฺติ วา
มุขปุญฺฉนโจลนฺติ วา เทนฺติ ตํ สพฺพํ เอกราสึ กตฺวา มิสฺเสตฺวา
น คณฺหิตพฺพํ วิสุํ วิสุํ กตฺวาว คณฺหิตฺวา จีวรนิทาหกสฺส
ตเถว อาจิกฺขิตฺวา ทาตพฺพํ ฯ จีวรนิทาหเกนาปิ ภณฺฑาคาริกสฺส
ททมาเนน อิทํ กาลจีวรํ ฯเปฯ อิทํ มุขปุญฺฉนโจลนฺติ อาจิกฺขิตฺวา
ว ทาตพฺพํ ฯ ภณฺฑาคาริเกนาปิ ตเถว วิสุํ วิสุํ สญฺาณํ กตฺวา
เปตพฺพํ ฯ ตโต สงฺเฆน กาลจีวรํ อาหราติ วุตฺเต กาลจีวรเมว
ทาตพฺพํ ฯเปฯ มุขปุญฺฉนโจลกํ อาหราติ วุตฺเต ตเทว ทาตพฺพํ ฯ
     อิติ ภควตา จีวรปฏิคฺคาหโก อนุญฺาโต จีวรนิทาหโก อนุญฺาโต
ภณฺฑาคาริโก อนุญฺาโต น พาหุลฺลิกตาย น อสนฺตุฏฺิยา
อปิจ โข สงฺฆสฺสานุคฺคหาย ฯ สเจ หิ อาหฏาหฏํ คเหตฺวา
ภิกฺขู ภาเชยฺยุํ เนว อาหฏํ น อนาหฏํ น ทินฺนํ นาทินฺนํ
---------------------------------------------------------------------------------------------
หน้าที่ ๒๓๑.
น ลทฺธํ นาลทฺธํ ชาเนยฺยุํ อาหฏาหฏํ เถราสเน วา ทเทยฺยุํ
ขณฺฑาขณฺฑํ วา ฉินฺทิตฺวา คณฺเหยฺยุํ เอวํ สติ อยุตฺตปริโภโค จ
โหติ น จ สพฺเพสํ สงฺคโห กโต ฯ ภณฺฑาคาเร ปน
จีวรํ เปตฺวา อุสฺสนฺนกาเล เอเกกสฺส ภิกฺขุโน ติจีวรํ วา
เทฺว เทฺว วา เอเกกํ วา จีวรํ ทสฺสนฺติ ฯ ลทฺธาลทฺธํ
ชานิสฺสนฺติ อลทฺธภาวํ ชานิตฺวา สงฺคหํ กาตุํ มญฺิสฺสนฺตีติ ฯ
     น ภิกฺขเว ภณฺฑาคาริโก วุฏฺาเปตพฺโพติ เอตฺถ อญฺเปิ
อวุฏฺาปนียา ชานิตพฺพา จตฺตาโร หิ น วุฏฺาเปตพฺพา
วุฑฺฒตโร ภณฺฑาคาริโก คิลาโน สงฺฆโต ลทฺธเสนาสโนติ ฯ
ตตฺถ วุฑฺฒตโร อตฺตโน วุฑฺฒตาย นวกตเรน น วุฏฺาเปตพฺโพ
ภณฺฑาคาริโก สงฺเฆน สมฺมนฺนิตฺวา ภณฺฑาคารสฺส ทินฺนตาย คิลาโน
อตฺตโน คิลานตาย สงฺโฆ ปน พหุสฺสุตสฺส อุทฺเทสปริปุจฺฉาทีหิ
พหูปการสฺส ภารนิตฺถรกสฺส ผาสุกํ อาวาสํ อวุฏฺาปนียํ กตฺวา
เทติ ตสฺมา โส อุปการตาย จ สงฺฆโต ลทฺธตาย จ น
วุฏฺาเปตพฺโพติ ฯ อุสฺสนฺนํ โหตีติ พหุํ ราสิกตํ โหติ ภณฺฑาคารํ
น คณฺหาติ ฯ สมฺมุขีภูเตนาติ อนฺโตอุปจารสีมายํ ิเตน ฯ
ภาเชตุนฺติ กาลํ โฆสาเปตฺวา ปฏิปาฏิยา ภาเชตุํ ฯ โกลาหลํ
อกาสีติ อมฺหากํ อาจริยสฺส เทถ อุปชฺฌายสฺส เทถาติ เอวํ
มหาสทฺทมกาสิ ฯ จีวรภาชกงฺเคสุ สภาคานํ ภิกฺขูนํ อปาปุณนฺตํปิ
มหคฺฆจีวรํ เทนฺโต ฉนฺทาคตึ คจฺฉติ นาม ฯ อญฺเสํ วุฑฺฒตรานํ
ปาปุณนฺตํปิ มหคฺฆํ จีวรํ อทตฺวา อปฺปคฺฆํ เทนฺโต โทสาคตึ


เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๒๙-๒๓๑.
http://84000.org/tipitaka/read/attha_page.php?book=3&page=229&pages=3&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=3&A=4707&pagebreak=1
http://84000.org/tipitaka/atthapali/th_line.php?B=3&A=4707&pagebreak=1#p229