อรรถกถาเล่มที่ ๓ หน้าที่ ๕๔๒.

อธิกรณเภทวณฺณนา -------- {๓๔๐} อธิกรณเภเท ฯ อิเม ทส อุกฺโกฏาติ อธิกรณานํ อุกฺโกเฏตฺวา ปุน อธิกรณอุกฺโกเฏน สมถานํ อุกฺโกฏํ ทสฺเสตุํ วิวาทาธิกรณํ อุกฺโกเฏนฺโต กติ สมเถ อุกฺโกเฏตีติอาทิมาห ฯ ตตฺถ วิวาทาธิกรณํ อุกฺโกเฏนฺโต เทฺว สมเถ อุกฺโกเฏตีติ สมฺมุขาวินยํ จ เยภุยฺยสิกญฺจ อิเม เทฺว อุกฺโกเฏติ ปฏิเสเธติ ปฏิกฺโกเสตีติ อตฺโถ ฯ อนุวาทาธิกรณํ อุกฺโกเฏนฺโต จตฺตาโรติ สมฺมุขาวินยํ สติวินยํ อมูฬฺหวินยํ ตสฺส ปาปิยสิกนฺติ อิเม จตฺตาโร สมเถ อุกฺโกเฏติ ฯ อาปตฺตาธิกรณํ อุกฺโกเฏนฺโต ตโยติ สมฺมุขาวินยํ ปฏิญฺญาตกรณํ ติณวตฺถารกนฺติ อิเม ตโย สมเถ อุกฺโกเฏติ ฯ กิจฺจาธิกรณํ อุกฺโกเฏนฺโต เอกนฺติ สมฺมุขาวินยํ อิมํ เอกํ สมถํ อุกฺโกเฏติ ฯ {๓๔๑} กติ อุกฺโกฏาติอาทิปุจฺฉานํ วิสฺสชฺชเน ฯ ทฺวาทสสุ อุกฺโกเฏสุ อกตํ กมฺมนฺติอาทโย ตาว ตโย อุกฺโกฏา วิเสสโต ทุติเย อนุวาทาธิกรเณ ลพฺภนฺติ ฯ อนีหตนฺติอาทโย ตโย ปฐเม วิวาทาธิกรเณ ลพฺภนฺติ ฯ อวินิจฺฉิตนฺติอาทโย ตโย ตติเย อาปตฺตาธิกรเณ ลพฺภนฺติ ฯ อวูปสนฺตนฺติอาทโย ตโย จตุตฺเถ กิจฺจาธิกรเณ ลพฺภนฺติ ฯ อปิจ ทฺวาทสาปิ เอเกกสฺมึ อธิกรเณ

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๕๔๒. http://84000.org/tipitaka/read/attha_page.php?book=3&page=542&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=11034&modeTY=2&pagebreak=1 http://84000.org/tipitaka/atthapali/th_line.php?B=3&A=11034&modeTY=2&pagebreak=1#p542