อรรถกถาเล่มที่ ๓๑ หน้าที่ ๒๕๙.

#[๕๘๑-๓] สนฺนิสินฺนนฺติ สนฺนิปติตวเสน นิสินฺนํ. ลภิสฺสามิ อตฺถนฺติ มยา อิจฺฉิตมฺปิ อตฺถํ ลภิสฺสามิ. ปณิหิตทณฺโฑติ ^๑- ปิตสรีรทณฺโฑ. อนุสตฺตรูโปติ ราชินิ อนุสตฺตสภาโว ^๒-. วีสติรตฺติมตฺตาติ วีสติมตฺตา รตฺติโย อติวตฺตาติ อตฺโถ. ตาหนฺติ ตํ อหํ. ยถามตินฺติ มยฺหํ ยถารุจิ. #[๕๘๔] เอตญฺจ อญฺญฺจาติ เอตํ สูเล อาวุตํ ปุริสํ อญฺญฺจ ยสฺส ราชาณา ปณิหิตา, ตญฺจ ^๓-. ลหุํ ปมุญฺจาติ สีฆํ โมเจหิ. โก ตํ วเทถ ตถา กโรนฺตนฺติ ตถา ธมฺมิยกมฺมํ กโรนฺตํ ตํ อิมสฺมึ วชฺชิรฏฺเ โก นาม "น ปโมเจหี"ติ วเทยฺย, เอวํ วตฺตุํ โกจิปิ น ลภตีติ อตฺโถ. #[๕๘๕] ติกิจฺฉกานญฺจาติ ติกิจฺฉเก จ. #[๕๘๘] ยกฺขสฺส วโจติ เปตสฺส วจนํ. ตสฺส ภนฺเต เปตสฺส วจเนน เอวมกาสินฺติ ทสฺเสติ. #[๕๙๐] ธมฺมานีติ ปุพฺเพ กตํ ปาปกมฺมํ อภิภวิตุํ สมตฺเถ ปุญฺธมฺเม ^๔-. กมฺมํ สิยา อญฺตฺร เวทนียนฺติ ยํ ตสฺมึ ปาปกมฺเม อุปปชฺชเวทนียํ, ตํ อโหสิกมฺมํ นาม โหติ. ยํ ปน อปรปริยายเวทนียํ, ตํ อญฺตฺร อปรปริยาเย เวทยิตพฺพผลํ โหติ สติ สํสารปฺปวตฺติยนฺติ อตฺโถ. #[๕๙๓] อิมญฺจาติ อตฺตนา วุจฺจมานํ ตาย อาสนฺนํ ปจฺจกฺขํ วาติ กตฺวา วุตฺตํ. อริยํ อฏฺงฺควเรนุเปตนฺติ ปริสุทฺธฏฺเน อริยํ, ปาณาติปาตาเวรมณิอาทีหิ อฏฺหิ องฺเคหิ อุเปตํ ยุตฺตํ อุตฺตมํ อุโปสถสีลํ. กุสลนฺติ อนวชฺชํ. สุขุทฺรยนฺติ สุขวิปากํ. #[๕๙๕] สทา ปุญฺ ปวฑฺฒตีติ สกิเทว ปุญฺ กตฺวา "อลเมตฺตาวตา"ติ อปริตุฏฺโ หุตฺวา อปราปรํ สุจริตํ ปูเรนฺตสฺส สพฺพกาลํ ปุญฺ อภิวฑฺฒติ, @เชิงอรรถ: ^๑ ม. ปณีตทณฺโฑติ ^๒ ม. อนุปตฺตรูโปติ ราชานํ อนุมตฺตปกติโก @^๓ ม. ราชา ปหิณิ ตญฺจ ^๔ ม. อญฺธมฺเม

เนื้อความอรรถกถาฉบับภาษาบาลี อักษรไทย เล่มที่ ๓๑ หน้าที่ ๒๕๙. http://84000.org/tipitaka/read/attha_page.php?book=31&page=259&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=31&A=5758&pagebreak=1 http://84000.org/tipitaka/atthapali/th_line.php?B=31&A=5758&pagebreak=1#p259