อรรถกถาเล่มที่ ๓๒ หน้าที่ ๑๒๖.

[๒๕] ตตฺถ โอภาสชาตนฺติ าโณภาเสน ชาโตภาสํ อคฺคมคฺคาณสฺส อธิคตตฺตา. เตน อนวเสสโต กิเลสนฺธการสฺส วิหตวิทฺธํสิตภาวโต อติวิย ปภสฺสรนฺติ อตฺโถ. ผลคนฺติ ผลํ คตํ อุปคตํ ๑-, อคฺคผลาณสหิตนฺติ อธิปฺปาโย. จิตฺตนฺติ ขีณาสวสฺส จิตฺตํ สามญฺเน วทติ. เตนาห "อภิณฺหโส"ติ. ตญฺหิ นิโรธนินฺนตาย ^๒- ขีณาสวานํ นิจฺจกปฺปํ อรหตฺตผลสมาปตฺติสมาปชฺชนโต "ผเลน สหิตนฺ"ติ วตฺตพฺพตํ อรหติ. ตาทิสนฺติ ตถารูปํ, อรหนฺตนฺติ อตฺโถ. อาสชฺชาติ วิโสเธตฺวา ^๓- ปริภุยฺย. กณฺหาติ มารํ อาลปติ, โส หิ กณฺหกมฺมตฺตา กณฺหาภิชาติตาย ^๔- จ "กโณฺห"ติ วุจฺจติ. ทุกฺขํ นิคจฺฉสีติ อิธ กุจฺฉิอนุปฺปเวสาทินา นิรตฺถกํ กายปริสฺสมํ ทุกฺขํ, สมฺปราเย จ อปฺปติการํ อปายทุกฺขํ อุปคมิสฺสสิ ปาปุณิสฺสสิ. ตํ สุตฺวา มาโร "ชานาติ มํ สมโณ"ติ ตตฺเถวนฺตรธายีติ. นนฺทิยตฺเถรคาถาวณฺณนา นิฏฺิตา. ------------- ๑๖๓. ๖. อภยตฺเถรคาถาวณฺณนา สุตฺวา สุภาสิตํ วาจนฺติ อายสฺมโต อภยตฺเถรสฺส คาถา. กา อุปฺปตฺติ? โส กิร ปทุมุตฺตรสฺส ภควโต สาสเน ปพฺพชิตฺวา ธมฺมกถิโก หุตฺวา ธมฺมกถนกาเล ปมํ จตูหิ คาถาหิ ภควนฺตํ อภิตฺถวิตฺวา ปจฺฉา ธมฺมํ กเถสิ. เตนสฺส ปุญฺกมฺมพเลน กปฺปานํ สตสหสฺสํ อปายปฏิสนฺธิ นาม นาโหสิ. ตถา หิ วุตฺตํ:- @เชิงอรรถ: ^๑ สี. ผลคนฺติ ผลูปคตํ ^๒ สี. ตณฺหานิโรธนินฺนตาย @^๓ สี. วิโรเธตฺวา, ม. วิโพเธตฺวา ^๔ สี.,ม. กณฺหาภิชาติสมตาย

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๑๒๖. http://84000.org/tipitaka/read/attha_page.php?book=32&page=126&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=2847&pagebreak=1 http://84000.org/tipitaka/atthapali/th_line.php?B=32&A=2847&pagebreak=1#p126