อรรถกถาเล่มที่ ๓๓ หน้าที่ ๒๘๓.

สพฺเพ ธมฺมา อนตฺตาติ สพฺเพปิ จตุภูมิกา ธมฺมา อนตฺตา. อิธ ปน เตภูมิกธมฺมาว คเหตพฺพา. เต หิ อสารโต อวสวตฺตนโต สุญฺโต อตฺตปฏิกฺเขปโต จ อนตฺตาติ วิปสฺสิตพฺพา. เสสํ ปุริมสทิสเมว. เอวํ วิปสฺสนาวิธึ ทสฺเสตฺวา เตน วิธินา กตกิจฺจํ อตฺตานํ อญฺ วิย กตฺวา ทสฺเสนฺโต:- [๖๗๙] "พุทฺธานุพุทฺโธ โย เถโร โกณฺฑญฺโ ติพฺพนิกฺกโม ^๑- ปหีนชาติมรโณ พฺรหฺมจริยสฺส เกวลี. [๖๘๐] โอฆปาโส ทโฬฺห ขีโล ^๒- ปพฺพโต ทุปฺปทาลโย เฉตฺวา ขีลญฺจ ปาสญฺจ เสลํ เภตฺวาน ^๓- ทุพฺภิทํ ติณฺโณ ปารงฺคโต ฌายี มุตฺโต โส มารพนฺธนา"ติ คาถาทฺวยมาห. ตตฺถ พุทฺธานุพุทฺโธติ พุทฺธานํ อนุพุทฺโธ, สมฺมาสมฺพุทฺเธหิ พุชฺฌิตานิ สจฺจานิ เตสํ เทสนานุสาเรน พุชฺฌตีติ อตฺโถ. ถิเรหิ อเสกฺเขหิ สีลสาราทีหิ สมนฺนาคโตติ เถโร. โกณฺฑญฺโติ โคตฺตกิตฺตนํ. ติพฺพนิกฺกโมติ ทฬฺหวิริโย ถิรปรกฺกโม. ชาติมรณานํ ปหีนการณตฺตา ปหีนชาติมรโณ. พฺรหฺมจริยสฺส เกวลีติ มคฺคพฺรหฺมจริยสฺส อนวเสสํ อนวเสสโต วา มคฺคพฺรหฺมจริยสฺส ปาริปูรโก, อถวา เกวลี นาม กิเลเสหิ อสมฺมิสฺสตาย มคฺคาณํ ผลาณญฺจ, ตํ อิมสฺมึ อตฺถีติ เกวลี. ยสฺมา ปน ตทุภยมฺปิ มคฺคพฺรหฺมจริยสฺส วเสน โหติ, น อญฺถา. ตสฺมา "พฺรหฺมจริยสฺส เกวลี"ติ วุตฺตํ. โอฆปาโสติ "กาโมโฆ ภโวโฆ ทิฏฺโโฆ อวิชฺโชโฆ"ติ ^๔- เอวํ วุตฺตา จตฺตาโร โอฆา, "อนฺตลิกฺขจโร ปาโส, ยฺวายํ จรติ มานโส"ติ ^๕- เอวํ วุตฺโต ราคปาโส @เชิงอรรถ: ^๑ อิ. ติพฺพนิกฺขโม ^๒ ฉ.ม. ทฬฺหขิโล ^๓ ก. เฉตฺวาน @^๔ อภิ.สงฺคณี. ๓๔/๑๑๕๖/๒๖๙ โอฆโคจฺฉก, อภิ.วิภงฺค. ๓๕/๙๓๘/๔๕๗ @^๕ วินย.มหา. ๔/๓๓/๒๘ มารกถา, สํ.สคา. ๑๕/๑๕๑/๑๓๕ มานสสุตฺต

เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๒๘๓. http://84000.org/tipitaka/read/attha_page.php?book=33&page=283&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=6486&pagebreak=1 http://84000.org/tipitaka/atthapali/th_line.php?B=33&A=6486&pagebreak=1#p283