อรรถกถาเล่มที่ ๓๖ หน้าที่ ๖๐.

สีลานํ อานิสํสํ กเถตฺวา นานาการเณหิ ยกฺขํ ตชฺเชตฺวา ธมฺมํ เทเสตฺวา ทเมตฺวา นิพฺพิเสวนํ กตฺวา ปญฺจสุ สีเลสุ ปติฏฺาเปตฺวา ตสฺสาเยว นํ อฏวิยา พลิปฺปฏิคฺคาหกํ เทวตํ กตฺวา อปฺปมาเทน โอวทิตฺวา อฏวิโต นิกฺขมนฺโต อฏวีมุเข มนุสฺสานํ อาจิกฺขิตฺวา สนฺนทฺธปญฺจาวุโธ พาราณสึ คนฺตฺวา มาตาปิตโร ทิสฺวา อปรภาเค รชฺเช ปติฏฺาย ธมฺเมน รชฺชํ กาเรนฺโต ทานาทีนิ จ ปุญฺานิ กตฺวา ยถากมฺมงฺคโต ฯ สตฺถาปิ อิมํ ธมฺมเทสนํ อาหริตฺวา อภิสมฺพุทฺโธ หุตฺวา อิมํ คาถมาห โย อลีเนน จิตฺเตน อลีนมนโส นโร ภาเวติ กุสลํ ธมฺมํ โยคกฺเขมสฺส ปตฺติยา ปาปุเณ อนุปุพฺเพน สพฺพสํโยชนกฺขยนฺติ ฯ ตตฺรายํ ปิณฺฑตฺโถ โย ปุริโส อลีเนน อสงฺกุจิเตน จิตฺเตน ปกติยา อลีนมโน อลีนชฺฌาสโยว หุตฺวา อนวชฺชฏฺเน กุสลํ สตฺตตฺตึสโพธิปกฺขิยเภทํ ธมฺมํ ภาเวติ วฑฺเฒติ วิสาเลน จิตฺเตน วิปสฺสนํ อนุยุญฺชติ จตูหิ โยเคหิ เขมสฺส นิพฺพานสฺส ปตฺติยา โส เอวํ สพฺพสงฺขาเรสุ อนิจฺจํ ทุกฺขํ อนตฺตาติ ติลกฺขณํ อาโรเปตฺวา ตรุณวิปสฺสนโต ปฏฺาย อุปฺปนฺเน โพธิปกฺขิยธมฺเม ภาเวนฺโต อนุปุพฺเพน เอกสํโยชนมฺปิ อนวเสเสตฺวา สพฺเพสํ สํโยชนานํ ขยกรสฺส จตุตฺถมคฺคสฺส ปริโยสาเน อุปฺปนฺนตฺตา สพฺพสํโยชนกฺขโยติ สงฺขฺยํ คตํ อรหตฺตํ ปาปุเณยฺยาติ ฯ

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๖๐. http://84000.org/tipitaka/read/attha_page.php?book=36&page=60&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=1186&pagebreak=1 http://84000.org/tipitaka/atthapali/th_line.php?B=36&A=1186&pagebreak=1#p60