ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต

หน้าที่ ๑๑๒.

นิณฺฑปจฺฉิยํ ปาเตสิ ฯ พลวเวทนา อุปฺปชฺชิ ฯ โพธิสตฺโต โครจภูมิโต
อาคนฺตฺวา ตํ นิตฺถุนนฺตํ ทิสฺวา ทวํ กโรนฺโต ปมํ คาถมาห
       กายํ พลากา สิขินี      โจรี ลงฺฆีปิตามหา
       โอรํ พลาเก อาคจฺฉ    จณฺโฑ เม วายโส สขาติ ฯ
     ตตฺถ กายํ พลากา สิขินีติ ตํ กากํ ตสฺส พหลตกฺเกน
มกฺขิตสรีรเสตวณฺณตฺตา มตฺถเก จ สิขาย ปิตตฺตา กา เอสา พลากา
สิขินีติ ปุจฺฉนฺโต อาลปติ ฯ โจรีติ กุลสฺส อนนุญฺาย กุลฆรํ
กากสฺส วา อรุจิยา กากปจฺฉึ ปวิฏฺตฺตา โจรีติ วทติ ฯ
ลงฺฆีปิตามหาติ ลงฺฆี วุจฺจติ อากาเส ลงฺฆนโต เมโฆ พลากา จ
นาม เมฆสทฺเทน คพฺภํ คณฺหนฺตีติ เมฆสทฺโท พลากานํ ปิตา
เมโฆ ปิตามโห โหติ ฯ เตนาห ลงฺฆีปิตามหาติ ฯ โอรํ พลาเก
อาคจฺฉาติ อมฺโภ พลาเก อิโต เอหิ ฯ จณฺโฑ เม วายโส สขาติ
มยฺหํ สขา ปจฺฉิสามิโก วายโส จณฺโฑ ผรุโส โส อาคโต
ตํ ทิสฺวา กณยคฺคสทิเสน ตุณฺเฑน โกฏฺเฏตฺวา ชีวิตกฺขยํ ปาเปยฺย
ตสฺมา ยาว โส นาคจฺฉติ ตาว ปจฺฉิโต โอตริตฺวา อิโต เอหิ
อิโต สีฆํ ปลายสฺสูติ วทติ ฯ
     ตํ สุตฺวา กาโก ทุติยํ คาถมาห
       นาหํ พลากา สิขินี     อหํ โลลสฺมิ วายโส
       อกตฺวา วจนํ ตุยฺหํ     ปสฺส ลูโนสฺมิ อาคโตติ ฯ
     ตตฺถ อาคโตติ ตฺวํ อิทานิ โคจรภูมิโต อาคโต มํ ลูนํ
ปสฺสถาติ อตฺโถ ฯ



เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๑๑๒. http://84000.org/tipitaka/read/attha_page.php?book=38&page=112&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=2326&pagebreak=1 http://84000.org/tipitaka/atthapali/th_line.php?B=38&A=2326&pagebreak=1#p112


จบการแสดงผล หน้าที่ ๑๑๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]