อรรถกถาเล่มที่ ๓๘ หน้าที่ ๔๐๓.

สกลทิวสํ คจฺฉนฺตาปิ เอกงฺคุลทฺวงฺคุลมตฺตํ คจฺฉนฺติ ฯ ราชา ตํ ทิสฺวา โก นาม โสติ โพธิสตฺตํ ปุจฺฉิ ฯ มหาสตฺโต คชกุมฺโภ นาม โส มหาราชาติ ฯ อาลสิโย เอวรูโป หิ สกลํ ทิวสํ คจฺฉนฺโตปิ เอกงฺคุลทฺวงฺคุลมตฺตเมว คจฺฉตีติ วตฺวา เตน สทฺธึ สลฺลปนฺโต อมฺโภ คชกุมฺภ ตุมฺหากํ ทนฺธํ คมนํ อิมสฺมึ อรญฺเ ทาวคฺคิมฺหิ อุฏฺิเต กึ กโรถาติ วตฺวา ปมํ คาถมาห วนํ ยทคฺคิ ทหติ ปาวโก กณฺหวตฺตนิ กถํ กโรสิ ปจลก เอวํ ทนฺธปรกฺกโมติ ฯ ตตฺถ ยทคฺคีติ ยทา อคฺคิ ฯ ปาวโก กณฺหวตฺตนีติ อคฺคิโน นามํ ฯ ปจลกาติ ตํ อาลปติ ฯ โส หิ จลนฺโต คจฺฉติ นิจฺจํ วา ปจลายติ ตสฺมา ปจลโกติ วุจฺจติ ฯ ทนฺธปรกฺกโมติ มุทุวิริโยติ ^๑- ฯ ตํ สุตฺวา คชกุมฺโภ ทุติยํ คาถมาห พหูนิ รุกฺขจฺฉิทฺทานิ ปพฺยา วิวรานิ จ ตานิ เจ นาภิสมฺโภม โหติ โน กาลปริยาโยติ ฯ ตสฺสตฺโถ ปณฺฑิต อมฺหากํ อิโต อุตฺตริตรคมนํ นาม นตฺถิ อิมสฺมึ ปน อรญฺเ รุกฺขจฺฉิทฺทานิ จ ปวิยํ วิวรานิ จ พหูนิ ยทิ ตานิ น ปาปุณาม โหติ โน กาลปริยาโยติ มรณเมว โน โหตีติ ฯ ตํ สุตฺวา โพธิสตฺโต อิตรา เทฺว คาถา อภาสิ @เชิงอรรถ: ^๑. ครุวิริโย ฯ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๔๐๓. http://84000.org/tipitaka/read/attha_page.php?book=38&page=403&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=8366&pagebreak=1 http://84000.org/tipitaka/atthapali/th_line.php?B=38&A=8366&pagebreak=1#p403