อรรถกถาเล่มที่ ๓๘ หน้าที่ ๕๖.

อนุกมฺปํ กริตฺวา เปมํ อุปฺปาเทตฺวา ฯ วิวนสฺมีติ ปานียรหิเต อรญฺเ ฯ โฆเรติ ทารุเณ ฯ ปสารยิ กิจฺฉคตสฺส ปาณินฺติ นิสฺเสณึ พนฺธิตฺวา กูปํ โอตริตฺวา ทุกฺขิตสฺส มยฺหํ อุตฺตรณตฺถาย วิริยปฏิสํยุตฺตํ หตฺถํ ปสาเรสิ ฯ เตนุทฺธตารึ ทุขสมฺปเรโตติ เตน การเณนมฺหิ ทุกฺขปริโตปิ ตมฺหา กูปา อุตฺติณฺโณ ฯ เอตสฺส กิจฺเฉน อิธานุปตฺโตติ อหํ เอตสฺส ตาปสสฺส กิจฺเฉน เอเตน กตสฺส กิจฺฉสฺสานุภาเวน อิธานุปฺปตฺโต ฯ เวยฺยาสิโน วีสยาติ เวยฺยาสิ วุจฺจติ ยโม ตสฺส วิสโย ฯ ชีวโลเกติ มนุสฺสโลเก ฯ อหํ หิ อิมสฺมึ ชีวโลเก ิโตว ยมวิสยํ มจฺจุวิสยํ ปรโลกํ คโต นาม อโหสึ โสมฺหิ เอตสฺส การณา ตโต ปุน อิธาคโตติ วุตฺตํ โหติ ฯ ลาภารโหติ ลาภสฺส อรโห จตุปจฺจยลาภสฺส อนุจฺฉวิโก ฯ เทถสฺส โภคนฺติ เอเตน ปริภุญฺชิตพฺพํ จตุปจฺจยสมณปริกฺขารสงฺขาตํ โภคํ เอตสฺส เทถ ฯ ยชิตญฺจ ยญฺนฺติ ตฺวญฺจ อมจฺจา จ นาครา จาติ สพฺเพปิ ตุมฺเห เอตสฺส โภคญฺจ เทถ ยญฺญฺจ ยชถ ฯ ตสฺส หิ ทิยฺยมาโน เทยฺยธมฺโม เตน ภุญฺชิตพฺพตฺตา โภโค โหติ อิตเรสํ ทานยญฺตฺตา ยญฺ ฯ เตนาห เทถสฺส โภคํ ยชิตญฺจ ยญฺนฺติ ฯ เอวํ รญฺา คคณตเล จนฺทํ อุฏฺาเปนฺเตน วิย โพธิสตฺตสฺส คุเณ ปกาสิเต ตสฺส คุโณ สพฺพตฺถกเมว ปากโฏ ชาโต ฯ อติเรกตโร จสฺส ลาภสกฺกาโร อุทปาทิ ฯ ตโต ปฏฺาย อุปราชา วา อมจฺจา วา อญฺโ วา โกจิ กิญฺจิ ราชานํ วตฺตุํ น วิสหิ ฯ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๕๖. http://84000.org/tipitaka/read/attha_page.php?book=38&page=56&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=1153&pagebreak=1 http://84000.org/tipitaka/atthapali/th_line.php?B=38&A=1153&pagebreak=1#p56